මියන්මාරයේ නව ජනාධිපති මින් අවුන් හ්ලයිං විසින් සිරකරුවන් 4,335 දෙනෙකු සඳහා පොදු සමාව ලබා දීමට අනුමැතිය ලබා දී ඇති බව එරට රාජ්ය රූපවාහිනිය අද (17) වාර්තා කළේය. සාම්ප්රදායිකව අප්රේල් මාසයේ යෙදෙන මියන්මාර අලුත් අවුරුද්ද නිමිත්තෙන් මෙම පියවර ගෙන ඇති අතර, පසුගිය මාස හය ඇතුළත මෙලෙස සිරකරුවන් නිදහස් කළ තෙවැනි අවස්ථාව මෙය වේ.
මෙලෙස නිදහස් කරන පිරිස අතර විදේශිකයන් 179 දෙනෙකු ද ඇතුළත් වන අතර ඔවුන්ව මෙරටින් පිටුවහල් කිරීමට නියමිතය. මීට අමතරව ඇතැම් මරණ දඬුවම් ජීවිතාන්තය දක්වා සිරදඬුවම් ලෙස ලිහිල් කිරීම සහ අනෙකුත් සිරකරුවන්ගේ දඬුවම් කාලසීමාවන් අඩු කිරීමට ද පියවර ගෙන ඇත. කෙසේ වෙතත්, 2021 හමුදා කුමන්ත්රණයෙන් පසු අත්අඩංගුවට ගත් අවුන් සාන් සූ කී ඇතුළු දේශපාලන සිරකරුවන් 30,000 කට අධික පිරිසෙන් මෙම පොදු සමාව හිමිවන්නේ කා හටද යන්න මෙතෙක් අනාවරණය කර නැත. දැනට 80 හැවිරිදි වියේ පසුවන සූ කී මහත්මිය වසර 27 ක සිරදඬුවමක් විඳිමින් සිටින අතර ඇයගේ සෞඛ්ය තත්ත්වය පිළිබඳව ද පවතින්නේ අවිනිශ්චිත තත්ත්වයකි. පසුගිය අප්රේල් 3 වැනිදා ජනාධිපති ධුරයට පත් මින් අවුන් හ්ලයිං, සිය ප්රමුඛතාවය සාමය සහ සංහිඳියාව ඇති කිරීම බව පවසා තිබුණ ද මියන්මාරය තවමත් සිවිල් යුද වාතාවරණයක පසුවේ.
