හෙට දින ප්රකාශයක් ලබා දීම සඳහා අල්ලස් හෝ දූෂණ චෝදනා විමර්ශන කොමිෂන් සභාව වෙත තමන් කැඳවා ඇති බැවින්, හෙට දිනයේදී තමන් අත්අඩංගුවට ගෙන සිරගත කිරීමට ඉඩ ඇති බව ශ්රී ලංකා පොදුජන පෙරමුණේ ජාතික සංවිධායක, පාර්ලිමේන්තු මන්ත්රී නාමල් රාජපක්ෂ මහතා ‘ලංකාලෝක’ වෙත ප්රකාශ කර තිබේ.
මෙම කැඳවීම පිටුපස දේශපාලන පළිගැනීමේ චේතනාවක් ඇති බව පෙන්වා දෙන මන්ත්රීවරයා, අනුරාධපුරයේ පැවැත්වීමට නියමිත තම පක්ෂයේ දැවැන්ත ජන රැලියට බාධා කිරීමේ අරමුණින් මෙම පියවර ගෙන ඇති බව චෝදනා කරයි. මීට පෙර අවස්ථා තුනකදී ද තමන් බන්ධනාගාරගත කළ ද, ඒ සෑම අවස්ථාවකම නඩුවලින් ජයග්රහණය කළ බව සිහිපත් කළ හෙතෙම, රාජපක්ෂවරුන්ට එරෙහි නඩු තීන්දු ලියන්නේ අධිකරණය නොව ආණ්ඩුවේ අමාත්යවරුන් බව මීට පෙර අමාත්යවරයෙකු කළ ප්රකාශයකින් පැහැදිලි වන බව සඳහන් කළේය. කෙසේ වෙතත්, මේ ආකාරයෙන් ක්රියා කරන පාර්ශ්වයන්ගෙන් පළිගැනීමට සිතනවා වෙනුවට ඔවුනට මෛත්රී කිරීම යහපත් බව ද ඒ මහතා වැඩිදුරටත් කියා සිටියේය.
