වාහන ආනයන බදු මත පනවා ඇති 50%ක අධිභාරය දෙසැම්බර් 31 දක්වා දීර්ඝ කිරීමට රජය ගත් තීරණයත් සමඟ මෙරට වාහන මිල ගණන් යළිත් සැලකිය යුතු ලෙස ඉහළ ගොස් තිබෙනවා.
වාහන අලෙවි ආයතන සහ වාහන ආනයනකරුවන් සමඟ සිදුකළ විමසීම්වලදී අනාවරණය වී ඇත්තේ, වෙළෙඳපොළේ ජනප්රිය වාහන මාදිලි කිහිපයක මිල ගණන් රුපියල් මිලියන 4.5ක් පමණ දක්වා ඉහළ ගොස් ඇති බවයි.
ආනයන බදු සහ අනෙකුත් බදු පිරිවැය ඉහළ යාම හේතුවෙන් වාහන ආනයනකරුවන්ට දැරීමට සිදුවන පිරිවැය ඉහළ යන අතර, එම තත්ත්වය අවසානයේදී පාරිභෝගිකයන්ට අලෙවි කරන වාහන මිල ගණන් කෙරෙහිද සෘජුවම බලපා තිබෙනවා.
මේ හේතුවෙන් නව වාහනයක් මිලදී ගැනීමට බලාපොරොත්තු වන පාරිභෝගිකයන්ට නැවතත් ඉහළ මිල ගණන්වලට මුහුණදීමට සිදුව ඇති අතර, වාහන වෙළෙඳපොළ තුළද මිල ගණන් සම්බන්ධයෙන් දැඩි අවධානයක් යොමුව තිබෙනවා.
වාහන ආනයනය සම්බන්ධ බදු සහ අධිභාර ප්රතිපත්ති ඉදිරියේදී වෙනස් වන්නේද යන්න සහ ඒ අනුව වාහන මිල ගණන් යම් මට්ටමකට පහළ යනු ඇත්ද යන්න පිළිබඳව පාරිභෝගිකයන් අතරද දැඩි අපේක්ෂාවක් පවතින බව වාහන ක්ෂේත්රයේ පාර්ශ්ව පෙන්වා දෙනවා.
