ප්රකට ගායක ෆ්රෑන්ක් සිනාත්රාගේ (Frank Sinatra) දියණිය වන නැන්සි සිනාත්රා, ඇමරිකානු ජනාධිපති ඩොනල්ඩ් ට්රම්ප්ට එරෙහිව සිය විරෝධය පළ කර තිබේ. ඒ ට්රම්ප් විසින් සිය ‘Truth Social’ ගිණුමේ කිසිදු සඳහනකින් තොරව ෆ්රෑන්ක් සිනාත්රාගේ සුප්රසිද්ධ “My Way” ගීතය ඇතුළත් වීඩියෝවක් පළ කිරීම හේතුවෙනි.
පසුගියදා මධ්යම රාත්රියේ ඩොනල්ඩ් ට්රම්ප් විසින් මෙම ගීතය පළ කර තිබූ අතර, එහි කිසිදු විස්තරයක් ඇතුළත් කර නොතිබුණි. මෙය දුටු නැන්සි සිනාත්රා එය “අපහාසයක්” (Sacrilege) ලෙස හඳුන්වමින් සිය අමනාපය පළ කළාය. මීට පෙර ද ට්රම්ප්ගේ දේශපාලන කටයුතු සඳහා සිනාත්රාගේ ගීත භාවිත කිරීමට ඇය විරුද්ධ වී තිබේ.
මැදපෙරදිග පවතින දැඩි යුධමය වාතාවරණය සහ ඉරානය සමඟ පවතින ගැටුම් හමුවේ ට්රම්ප් මෙලෙස “My Way” (මාගේ මාවත) ගීතය පළ කිරීම පිළිබඳව විවිධ දේශපාලන විචාරකයින් සැක පළ කරති. මෙය ඉරානයට එරෙහිව දැඩි ක්රියාමාර්ගයක් ගැනීමට යන බවට ඉඟියක් දැයි බොහෝ දෙනා ප්රශ්න කරති. මීට පෙර ද ට්රම්ප් තමන්ව ජේසුස් වහන්සේට සමාන කරමින් සහ ඉරානය විනාශ කරන බවට තර්ජනය කරමින් විවිධ සටහන් සමාජ මාධ්ය වෙත මුදාහැර තිබේ.
