ජගත් පරිසර දිනයට සමගාමීව ක්රියාත්මක වන ජාතික පරිසර සතියේ අද දිනය “ජෛව විවිධත්ව සංරක්ෂණ දිනය” ලෙස නම් කර ඇත. මේ හා සමඟාමීව ශ්රී ලංකාවේ වන සංරක්ෂණය උදෙසා දැවැන්ත පියවර රැසක් ක්රියාත්මක වෙමින් පවතී.
ඓතිහාසික වන සංරක්ෂණ වැඩපිළිවෙළ:
ලාංකීය ඉතිහාසයේ දැවැන්තම වන සංරක්ෂණ විප්ලවය ලෙස සැලකෙන ‘වනස්පති’ ජාතික වැඩසටහන හරහා වසරක් තුළ රක්ෂිත 81ක් ප්රකාශයට පත් කිරීමට රජය පියවර ගෙන ඇත. මෙම වැඩසටහන යටතේ නිල්ගල වනාන්තරය ඇතුළුව සමස්ත වනාන්තර හෙක්ටයාර 63,000ක් රක්ෂිත ප්රදේශ ලෙස නම් කර තිබේ. මෙමඟින් ‘බන්දුලිපෙතියා’ වැනි ශ්රී ලංකාවට ආවේණික දුර්ලභ මත්ස්ය විශේෂ සහ සුවිශේෂී ජෛව පද්ධතීන් රැකගැනීම අරමුණු කෙරේ.
පාරිසරික ආරක්ෂාව සඳහා සහභාගිත්වය:
රටේ ස්වාභාවික උරුමය සුරැකීම සඳහා ‘වන සුරැකුම’ ඒකාබද්ධ මෙහෙයුම් ඒකකය ස්ථාපිත කර ඇත. පාරිසරික විනාශයන්, අනවසර වන විනාශ කිරීම් හෝ ජෛව විවිධත්වයට තර්ජනයක් වන ඕනෑම ක්රියාවක් පිළිබඳව දැනුවත් කිරීමට මහජනතාවට අවස්ථාව සලසා තිබේ.
ඕනෑම අයෙකුට මෙවැනි පාරිසරික හානියක් දුටු සැණින් ඒ පිළිබඳව වාර්තා කිරීමට 1995 යන ක්ෂණික ඇමතුම් අංකය වෙත දැනුම් දිය හැකිය.
