යුද ජයග්රහණයට වසර 17ක් සපිරීම නිමිත්තෙන් පැවැත්වෙන “17 වන ජාතික විජයග්රාහී සැමරුම් උත්සවය“ සාම්ප්රදායික අයුරින් ජනාධිපති අනුර කුමාර දිසානායක මහතාගේ ප්රධානත්වයෙන් හෙට (19) බත්තරමුල්ලේ පිහිටි රණවිරු સ્මාරකය අභියසදී උත්කර්ෂවත් අන්දමින් පැවැත්වීමට සියලු කටයුතු සූදානම් කර ඇති බව රණවිරු සේවා අධිකාරිය පවසයි. රජයේ ප්රවෘත්ති දෙපාර්තමේන්තුවේ පැවති මාධ්ය හමුවකදී අදහස් දැක්වූ රණවිරු සේවා අධිකාරියේ සභාපති බ්රිගේඩියර් එස්.බී. කොහොන මහතා සඳහන් කළේ, මෙරට නිදහස වෙනුවෙන් ත්රිවිධ හමුදාවට එක්වී දිවි පිදූ උතුරු නැගෙනහිර පළාත්වල ද්රවිඩ සහ මුස්ලිම් රණවිරුවන්ගේ ඥාතීන් 30 දෙනෙකු පමණ මෙවර ප්රථම වතාවට මෙම රාජ්ය උත්සවය සඳහා සක්රීයව දායක කරගැනීමට විශේෂ අවස්ථාවක් සලසා දී ඇති බවයි. රණවිරු සේවා අධිකාරියේ අධ්යක්ෂ ගෲප් කැප්ටන් එල්.එම්.සී.ඩී. නිශ්ශංක මහතා පෙන්වා දුන්නේ, රණවිරු දෙමව්පියන් 160 දෙනෙකු ඇතුළුව යුද, නාවික, ගුවන්, පොලිස්, විශේෂ කාර්ය බලකාය (STF), සිවිල් ආරක්ෂක දෙපාර්තමේන්තුව සහ ජාතික ශිෂ්ය භට බලකාය නියෝජනය කරමින් සමස්තයක් ලෙස 2,769 දෙනෙකු හෙට පස්වරුවේ පැවැත්වෙන මෙම උපහාර සැමරුම් අවස්ථාවට එක්වන බවයි. මේ අතර, මෙම විජයග්රහණය පිළිබඳව අදහස් දැක්වූ රියර් අද්මිරාල් සරත් වීරසේකර මහතා අවධාරණය කළේ, වසර 30ක දරුණු ත්රස්තවාදයෙන් අහිංසක දෙමළ වැසියන් 2,95,000ක් මුදාගනිමින් ලොව විශාලතම මානුෂීය මෙහෙයුම දියත් කළ, රට වෙනුවෙන් ජීවිත 29,000ක් පුදා 14,000ක් ආබාධිත වූ අපේ වීරෝදාර රණවිරුවන්ට සමස්ත ජාතියේම සදාකාලික උපහාරය හිමිවිය යුතු බවයි.
