ජාතික කාන්තා කොමිෂන් සභාවේ සභාපතිනි ග්රේස් අසිරිවත්තම් මහත්මිය සහ එම කොමිෂන් සභාවේ සාමාජිකයින් පසුගියදා (23) පාර්ලිමේන්තුවේදී කථානායක ආචාර්ය ජගත් වික්රමරත්න මහතා හමුවිය.
මෙම හමුවේදී කොමිෂන් සභාවේ වර්තමාන කටයුතු සහ එහි ප්රගතිය පිළිබඳව කථානායකවරයා දැනුවත් කිරීමට සභාපතිනිය පියවර ගත්තාය. එහිදී ප්රධාන වශයෙන් මතු වූ කරුණ වූයේ, කොමිෂන් සභාව සතු පුළුල් වගකීම් සහ අනුමත කාර්ය මණ්ඩලය සැලකිල්ලට ගත් විට, දැනට කොමිෂන් සභාව සඳහා වෙන් කර ඇති කාර්යාල ඉඩකඩ ප්රමාණවත් නොවීමයි.
කාන්තා අයිතිවාසිකම් සුරැකීම සහ බලගැන්වීම වෙනුවෙන් කොමිෂන් සභාවේ කාර්යභාරය කාර්යක්ෂමව ඉටු කිරීම සඳහා ප්රමාණවත් කාර්යාල පහසුකම් අත්යවශ්ය බව සභාපතිනිය කථානායකවරයාට පෙන්වා දුන්නාය. පාර්ශ්වකරුවන් සමඟ සම්බන්ධීකරණය වීමට සහ කාන්තාවන් වෙත වඩාත් සමීපව සේවාවන් ලබා දීමට මෙම පහසුකම් බෙහෙවින් ඉවහල් වන බව ඇය වැඩිදුරටත් අවධාරණය කළාය.
කාන්තා අයිතිවාසිකම් සුරැකීම සහ ප්රවර්ධනය කිරීම සඳහා ජාතික කාන්තා කොමිෂන් සභාවේ ඇති වැදගත්කම පිළිගත් කථානායක ආචාර්ය ජගත් වික්රමරත්න මහතා, කොමිෂන් සභාව විසින් ඉදිරිපත් කළ මෙම ගැටලු සම්බන්ධයෙන් යෝග්ය පියවර ගන්නා බවට සහතික විය.
