මී පැණි සෙවීම සඳහා ගෝමරන්කඩවල, ඔට්ටිච්චංකුලම ප්රදේශයේ කැළෑවකට ගිය පුද්ගලයෙකු වනඅලි රංචුවක ප්රහාරයකට ලක්වී ඊයේ (24) ජීවිතක්ෂයට පත්ව ඇතැයි ගෝමරන්කඩවල පොලිසිය පවසයි. මෙසේ ජීවිතක්ෂයට පත්ව ඇත්තේ බක්මීගම ප්රදේශයේ පදිංචි 65 හැවිරිදි පුද්ගලයෙකි. මරණකරු තවත් පිරිසක් සමඟ කැළෑවට ගොස් සිටියදී මෙම අනපේක්ෂිත වනඅලි ප්රහාරයට ලක්ව ඇති අතර, එහිදී සිදුවූ පහරදීමෙන් ඔහු එම ස්ථානයේදීම මියගොස් තිබේ. සිද්ධිය සම්බන්ධයෙන් ගෝමරන්කඩවල පොලිසිය වැඩිදුර විමර්ශන පවත්වන අතර, මෘත ශරීරය පශ්චාත් මරණ පරීක්ෂණ කටයුතු සඳහා ත්රිකුණාමලය මහ රෝහලේ තැන්පත් කර ඇත.
