වාහනයකට හසුව දැඩි ලෙස තුවාල ලබා සිටියදී පන්සලට රැගෙන විත් ප්රතිකාර කොට රැකබලා ගනිමින් භික්ෂූන් වහන්සේලාගේ හා දායකයන්ගේ දැඩි ආදරයට ලක් වෙමින් ජීවත් වූ බලු සුරතලා මියයෑමෙන් පසු මල් අතුරන ලද මිනී පෙට්ටියක අවසන් ගෞරවයට තබා පින් අනුමෝදන් කොට මිහිදන් කිරීමේ උතුම් කර්තව්යයක් තලවකැලේ, නාගසේන ශ්රී මහින්දාරාම විහාරස්ථානයේදී පෙරේදා (23 දා) දැක ගන්නට ලැබිණි.
2008 වසරේදී රිය අනතුරකට ලක්ව දරුණු ලෙස තුවාල ලබා පාදයක් කැඩීගොස් කිසිවකුගේ හව්හරණක් නොමැතිව මහමඟ වැටී සිටියදී මෙම සුනඛයා තමන් වහන්සේ රැගෙන විත් මාස ගණනාවක් එක දිගට ප්රතිකාර කොට සුවකර ගත් බවත්, පසුව “බ්ලැකීට්” යන සුරතල් නමින් වසර 18ක පමණ කාලයක් කාගේත් සුරතලෙකු ලෙස මෙම සතා පන්සලේ ජීවත් වූ බවත් නාගසේන ශ්රී මහින්දාරාම විහාරස්ථානයේ විහාරාධිපති පූජ්ය උඩුගම පියදස්සි හිමියෝ පැවසූහ.
මල් අතුරා සකසන ලද පෙට්ටියක තබා පන්සලේ ධර්ම ශාලාවේ තැන්පත්කොට ගිහි පැවිදි විශාල පිරිසකගේ අවසන් ගෞරවය දැක්වීමෙන් අනතුරුව මිනිසෙකු මියගිය පසු සිදු කරනු ලබන සියලු ආගමික වත්පිළිවෙත් සහ අවසන් චාරිත්ර ඉටු කිරීමෙන් අනතුරුව පන්සල් භූමියේ මිහිදන් කිරීමට පියවර ගත් බව උන්වහන්සේ වැඩිදුරටත් පැවසීය.
