ශ්රී ලංකා මහ බැංකුව විසින් අද (26) ප්රකාශයට පත් කරන ලද නිල දෛනික විනිමය අනුපාතික සටහනට අනුව, එක්සත් ජනපද ඩොලරයේ අගය ඊයේ දිනයට සාපේක්ෂව තවදුරටත් පහත වැටී තිබේ. ඒ අනුව අද දිනයේ ඩොලරයක ගැනුම් මිල රුපියල් 318.32ක් ලෙසත්, විකුණුම් මිල රුපියල් 328.69ක් ලෙසත් සටහන් විය.
මහ බැංකු නිල අනුපාතයට සමගාමීව මෙරට ප්රධාන වාණිජ බැංකු රැසකම අද පෙරවරුව වන විට ඩොලරයේ ගැනුම් සහ විකුණුම් මිල ගණන් කැපී පෙනෙන ලෙස පහළ දමා තිබුණි.
අද පෙරවරු 10:00 වන විට ලංකා බැංකුවේ ගැනුම් මිල රුපියල් 316.50ක් සහ විකුණුම් මිල රුපියල් 325.50ක් ලෙස ද, මහජන බැංකුවේ ගැනුම් මිල රුපියල් 317.13ක් සහ විකුණුම් මිල රුපියල් 326.11ක් ලෙස ද සටහන් විය. කොමර්ෂල් බැංකුව රුපියල් 314.04කට ඩොලරයක් මිලදී ගෙන රුපියල් 326.00කට විකිණීමට කටයුතු කර තිබූ අතර, හැටන් නැෂනල් බැංකුවේ (HNB) මිල ගණන් සටහන් වූයේ රුපියල් 319.00ක් සහ රුපියල් 327.00ක් වශයෙනි.
මීට අමතරව සම්පත් බැංකුව රුපියල් 318.00කට සහ රුපියල් 327.50කට ද, DFCC බැංකුව රුපියල් 316.25කට සහ රුපියල් 325.75කට ද, නේෂන්ස් ට්රස්ට් බැංකුව (NTB) රුපියල් 314.28කට සහ රුපියල් 327.35කට ද ඩොලරයේ අනුපාතිකයන් ප්රකාශයට පත් කර තිබුණි. එසේම NDB බැංකුව 318.50ක ගැනුම් මිලක් සහ 327.50ක විකුණුම් මිලක් වාර්තා කළ අතර, සෙලාන් බැංකුවේ ගැනුම් මිල රුපියල් 317.75ක් සහ විකුණුම් මිල රුපියල් 331.50ක් ලෙස සටහන් විය.
වෙළෙඳපොළ තුළ පැවති සමපේක්ෂණ සහ කලබලකාරී ස්වභාවය පාලනය කරමින් මහ බැංකුව ගත් ක්රියාමාර්ග හේතුවෙන් ඩොලරයේ අගය මෙලෙස අඛණ්ඩව පහළ යමින් පවතින බව මූල්ය විශ්ලේෂකයෝ පෙන්වා දෙති.
