හම්බන්තොට වරාය, මත්තල ගුවන්තොටුපළ ඇතුළු ජාතික සම්පත් විකුණා දමන අතරේ මෙරට කෘෂිකර්මාන්තය හා වාපී ශිෂ්ටාචාරය වනසා දමමින් පැරණි රජවරු තැනූ වැව් සියල්ල ද වෙන්දේසි කිරීමට අගමැති රනිල් වික්රමසිංහ මහතා සැරසෙන බවට ජාතික නිදහස් පෙරමුණ චෝදනා කරයි.
ඊයේ (17) පිටිකෝට්ටේ පිහිටි ජානිපෙ ප්රධාන කාර්යාලයේදී පැවැති මාධ්ය හමුවකට සහභාගී වෙමින් එහි දේශපාලන මණ්ඩල සභික, පාර්ලිමේන්තු මන්ත්රී පද්ම උදයශාන්ත ගුණසේකර මහතා කියා සිටියේ ශ්රී ලංකාවේ කෘෂි කර්මාන්තය, වාරි කර්මාන්තය වනසලා දමන්න වත්මන් ආණ්ඩුව සැරසෙන බවයි.
එහිදී ඒ මහතා මේ බව වැඩිදුරටත් පැවසිය ” ඊළගට මහා පරාක්රමබාහු යුගය එළෙඔනවා. අපේ ඉතිහාසයේ වැඩිම වැව් ප්රමාණය තැනුවේ මහා පරාක්රමබාහු රජතුමා විසිනුයි. මේ නරුම අගමැතිට අනුව පරාක්රමබාහු රජතුමා පරාක්රම සමුද්රය තනා ඇත්තේ කුරුඳු විකුණලයි. එය තමයි අපේ ශ්රේෂ්ඨ නරපතියකුට මෑත ඉතිහාසය තුළ සිදු කළ බරපතළම අපහාසය. ‘අහසින් වැටෙන එක් දිය බිඳුවකුදු නිකරුණේ මහා මුහුදට ගලා බැසීමට ඉඩ දෙන්න එපා’ කියලයි එතුමන් මෙරට මතු පරම්පරාවලින් එදා ඉල්ලා සිටියේ. විශාල වැව් 163ක්, කුඩා වැව් 2375ක්, අමුණු 165, ඇල මාර්ග 3910ක්, බිසෝ කොටු 341ක් හැකි මේ මහා නරපතියා කැඞී බිඳී ගිය ඇලවේලි 1753ක් පිළිසකර කර වූ බව වංශ කතාවල කියැවෙනවා. ඒ මහා නරපතියාටත් අපහාස කරපු මේ නරුම – වසල පිං අගමැති අද මේ කියන්නේ කුමක් ද? අපේ රජවරු තැනූ වැව් සියල්ල විකුණන බවයි. මේක සුළුවෙන් තකන්න එපාෟ, මේ තමයි මෙරට පාලකයකු විසින් සිදු කළ අහස පොළොව නුහුලන පාපතරම ප්රකාශය. ‘ඊට එරෙහිව, ඒ වගේම’ මේ නරුම අගමැතිවරයා කරන්න හදන නරුම වැඬේට එරෙහිව පාරට බහින්න සූදානම් වෙන්න’ කියා අපි රටට හිතැති සියලූ ජනකොටස් වෙතින් ඉල්ලනවා’’යැයි ගුණසේකර මහතා වැඩිදුරටත් කියා සිටියේය.
මෙම මාධ්ය හමුවට කොළඹ මහ නගර සභා මන්ත්රී සමන්ත නෙළුම්දෙණිය මහතා සහ ගාල්ල මහ නගර සභා මන්ත්රිනී ශ්රීයානි අබේගුණසේකර මහත්මිය ද එක්ව සිටියහ.
