පසුගිය නොවැම්බර් මාසයේදී නයිජීරියාවේ ක්වාරා ප්රාන්තයේ පල්ලියක සිටි පුද්ගලයින් 38 දෙනෙකු පැහැර ගැනීමේ සිද්ධියට සම්බන්ධ 33 දෙනෙකුගෙන් යුත් සන්නද්ධ කල්ලියක් අත්අඩංගුවට ගැනීමට එරට පොලිසිය සමත්ව තිබේ. බුද්ධි තොරතුරු මත පදනම්ව සිදුකළ විශේෂ වැටලීම් මාලාවකදී මෙම පිරිස කොටු කරගත් අතර, ඔවුන් මෙම ප්රදේශය පුරා සිදුවූ තවත් පැහැර ගැනීම්, ගව සොරකම් සහ සන්නද්ධ මංකොල්ලකෑම් රැසකට සම්බන්ධ බවට හෙළි වී ඇත. නයිජීරියාවේ ක්රිස්තියානි බැතිමතුන්ට එරෙහිව සිදුවන ප්රචණ්ඩ ක්රියා සම්බන්ධයෙන් ජාත්යන්තරයේ දැඩි අවධානය යොමු වී ඇති පසුබිමක, මෙම අපරාධකරුවන් අත්අඩංගුවට ගැනීම එරට ආරක්ෂක අංශ ලැබූ සුවිශේෂී ජයග්රහණයක් ලෙස සැලකේ.
