චීනයේ නිංබෝ (Ningbo) සහ කොළඹ වරාය නගරය අතර සංස්කෘතික හා ජනතා සබඳතා තවදුරටත් ශක්තිමත් කිරීම අරමුණු කරගත් “Bosom Friends: Ningbo & Colombo – Stories of Life, Culture, and Connection” ද්විත්ව නගර කථිකාවත පසුගිය ජූලි 4 වැනිදා කොළඹ වරාය නගරයේදී උත්කර්ෂවත් අන්දමින් පැවැත්විණි. “වරාය නගර සංවර්ධනයේ සංස්කෘතික ගොඩනැගීම” යන තේමාව යටතේ සංවිධානය වූ මෙම අවස්ථාවට චීන කොමියුනිස්ට් පක්ෂයේ ප්රචාරක දෙපාර්තමේන්තුවේ ඉහළ නිලධාරීන්, බස්නාහිර පළාත් සභා ලේකම් හර්ෂ විජේවර්ධන, ශ්රී ලංකාවේ චීන තානාපති කාර්යාලයේ නියෝජ්ය දූත මණ්ඩල ප්රධානී ජූ යැන්වෙයි ඇතුළු දෙරටේම විශේෂ නියෝජිතයන් සහ මාධ්යවේදීන් සියයකට ආසන්න පිරිසක් එක්ව සිටියහ.
මීට විශේෂ ආරාධිතයෙකු ලෙස එක්වූ කොළඹ නගරාධිපතිනි ව්රායි කැලී බල්තසාර් මහත්මිය එහි තිබූ ප්රදර්ශනය නැරඹූ අතර, නගර දෙක අතර පවතින දීර්ඝකාලීන ඓතිහාසික සබඳතා මෙයින් මනරම් ලෙස පිළිබිඹු වන බව පැවසුවාය. චීනයේ තාක්ෂණික දියුණුව අගය කළ ඇය, ඉදිරියේදී නව ක්ෂේත්ර ඔස්සේ සහයෝගීතාව පුළුල් කිරීමට ලොකු අවස්ථාවක් ඇති බවද පෙන්වා දුන්නාය. ශ්රී ලංකාවේ සාම්ප්රදායික වාද්ය සංගීතයෙන් ආරම්භ වූ මෙම උත්සවයේදී, චීන යොවුන් ගායිකා ජැං ඩෑන් (Zhang Dan) සහ ලාංකික ගායක තරූෂ ඉමල්ක එක්ව ගායනා කළ “The Moon Represents My Heart” ගීතය කාගේත් අවධානය දිනාගත්තේය.
