ඩොලරයේ අගය ඉහළයාම හේතුවෙන් ඖෂධ වර්ග 60ක උපරිම මිල සංශෝධනයක් සිදු කිරීමට පියවර ගන්නා බව ජාතික ඖෂධ නියාමන අධිකාරිය (NMRA) පවසනවා. එහි සභාපති විශේෂඥ වෛද්ය ආනන්ද විජේවික්රම මහතා සඳහන් කළේ, 2023 වසරේදී නිකුත් කරන ලද ඖෂධ වර්ග 60කට උපරිම මිල ඇතුළත් කර තිබූ ගැසට් නිවේදනය සංශෝධනය කරමින් මෙම පියවර ගන්නා බවයි.
ඒ අනුව, සංශෝධනය කරනු ලබන ඇතැම් අත්යවශ්ය ඖෂධවල මිල ඉදිරි කාලයේදී ඉහළ දැමීමට සිදුවන බව ද සභාපතිවරයා ප්රකාශ කළා. පසුගිය මාස කිහිපය තිස්සේ මෙරට රුපියලේ අගය දිගින් දිගටම අවප්රමාණය වීම (පහළ යාම) හේතුවෙන්, දැනට වෙළෙඳපොළේ පවතින ඇතැම් ඖෂධ වර්ගවල මිල මෙලෙස ඉහළ යාමේ විශාල සම්භාවිතාවක් පවතින බව ද විශේෂඥ වෛද්ය ආනන්ද විජේවික්රම මහතා වැඩිදුරටත් තහවුරු කර සිටියා.
