යුක්රේනයට එරෙහි යුද්ධයේදී රුසියාවට සහය දැක්වීම සඳහා එක් වූ උතුරු කොරියානු හමුදා භටයන් 6,000ක් පමණ මේ වන විට මියගොස් ඇති බව විදෙස් මාධ්ය වාර්තා කරයි. රුසියාවේ යුද මෙහෙයුම් ශක්තිමත් කිරීම සඳහා උතුරු කොරියාව විසින් එරට හමුදා භටයන් 15,000ක පමණ පිරිසක් යුද බිමට යොමු කර ඇති බවට ඇස්තමේන්තු කර ඇති අතර, ඉන් සැලකිය යුතු පිරිසක් දරුණු ගැටුම් මධ්යයේ ජීවිතක්ෂයට පත්ව ඇති බව එම වාර්තාවල සඳහන් වේ. මෙම තත්ත්වය යුක්රේන යුද්ධය තුළ උතුරු කොරියානු මැදිහත්වීමේ බරපතලකම මෙන්ම ඔවුන් මුහුණ දෙන දැඩි විනාශය ද පෙන්නුම් කරන්නකි.
මේ අතර, යුද බිමෙන් අතිශය සංවේදී පුවතක් ද වාර්තා වන අතර, එහිදී යුක්රේන හමුදාවන්ට ජීවග්රහයෙන් කොටු වීමට ගිය උතුරු කොරියානු සෙබළෙකු අත් බෝම්බයක් පුපුරවා ගනිමින් සියදිවි හානි කරගෙන තිබේ. සතුරාට යටත් නොවී සිදුකළ මෙම ක්රියාව උතුරු කොරියානු නායක කිම් ජොන් උන්ගේ විශේෂ ප්රශංසාවට ලක්ව ඇති බව විදෙස් වාර්තා වැඩිදුරටත් පවසයි. වඩ වඩාත් ජාත්යන්තර අවධානයට ලක්ව ඇති මෙම හමුදා සහයෝගීතාවය හේතුවෙන් යුක්රේන යුද්ධය තවදුරටත් සංකීර්ණ වෙමින් පවතින බව දේශපාලන විචාරකයෝ පෙන්වා දෙති.
