නෝර්වුඩ් පොලිස් වසමට අයත් වතුයායක යූකැලිප්ටිස් ගසකට නැග එහි අතු කැපීමට උත්සාහ කිරීමේදී ගසෙන් බිමට වැටී බරපතල තුවාල ලැබූ පුද්ගලයෙක් බගවන්තලාව ප්රාදේශීය රෝහලට ඇතුළත් කරන විටත් මියගොස් සිටි බව නෝර්වුඩ් පොලිසිය පවසයි.
මෙලෙස ගසෙන් පහළට වැටී මියගොස් ඇත්තේ හඟුරන්කෙත, හේවාහැට ප්රදේශයේ පදිංචි 52 හැවිරිදි සරත් වීරසේකර නමැත්තෙකි. නෝර්වුඩ් පොලිස් වසමට අයත් කර්කස්වෝල් හෙල්බඩ වතුයායේ පහළ කොටසේ යූකැලිප්ටිස් ගස් කැපීම සඳහා කොන්ත්රාත්තුව ලබාගෙන තිබූ කොන්ත්රාත්කරු යටතේ මරණකරු සේවය කර තිබේ.
එහිදී ඔහු යූකැලිප්ටිස් ගසක අඩි 35 ක් පමණ උසට නැග චේන්සෝ යන්ත්රයකින් ගසේ අතු කපමින් සිටියදී මෙම අනතුර සිදුවී ඇති අතර, ඊයේ (23) සවස ඔහු රෝහල්ගත කර ඇතැයි බගවන්තලාව ප්රාදේශීය රෝහලේ දිස්ත්රික් වෛද්ය නිලධාරී ඒ.එස්.කේ. ජයසූරිය පැවසීය. සිද්ධිය සම්බන්ධයෙන් නෝර්වුඩ් පොලිසිය වැඩිදුර පරීක්ෂණ පවත්වයි.
