ග්රාමීය සංවර්ධන, සමාජ ආරක්ෂණ හා ප්රජා සවිබලගැන්වීම් අමාත්යාංශය යටතේ ක්රියාත්මක වන “ප්රජා ශක්ති” ජාතික වැඩසටහන හරහා නුවරඑළිය දිස්ත්රික්කයේ ක්රියාත්මක කිරීමට අපේක්ෂිත මුළු ව්යාපෘති සංඛ්යාව 786ක් වන අතර, එහි සමස්ත වටිනාකම රුපියල් මිලියන 997.84ක් බව අමාත්ය ආචාර්ය උපාලි පන්නිල මහතාගේ ප්රධානත්වයෙන් පැවති ප්රගති සමාලෝචන රැස්වීමකදී අනාවරණය වී ඇත.
ශ්රී ලංකාවේ සෑම ග්රාම නිලධාරී වසමකම අවම වශයෙන් එක් සංවර්ධන ව්යාපෘතියක් හෝ ක්රියාත්මක කිරීමේ අරමුණින් 2026 අයවැයෙන් රුපියල් මිලියන 25,000ක් වෙන් කර ඇති අතර, මේ වන විට දිවයින පුරා ග්රාමීය මට්ටමින් සංවර්ධන ව්යාපෘති 15,646ක් ආරම්භ කර තිබේ.
නුවරඑළිය දිස්ත්රික්කය තුළ ක්රියාත්මක වන සමස්ත ව්යාපෘති සංඛ්යාවෙන් 263ක් ජීවනෝපාය සංවර්ධන ව්යාපෘති වන අතර, ඒ සඳහා රුපියල් මිලියන 296.19ක් වෙන් කර ඇත. මීට අමතරව, යටිතල පහසුකම් සංවර්ධන ව්යාපෘති 286ක් සඳහා රුපියල් මිලියන 543.22ක දළ ඇස්තමේන්තුගත මුදලක් වෙන් කර තිබේ.
සියලු සංවර්ධන ව්යාපෘති කඩිනම් කර හැකි ඉක්මනින් ජනතා අයිතියට පත් කරන ලෙසත්, රාජ්ය මූල්ය විනය ආරක්ෂා කර ගනිමින් ව්යාපෘතිවල උපරිම ප්රතිලාභ ජනතාවට ලබා දෙන ලෙසත් අමාත්යවරයා මෙහිදී නිලධාරීන්ට දැඩිව උපදෙස් ලබා දී ඇත.
