ඔලුවිල් වරාය අෂ්රෆ් වරාය නමින් නම්කොට නැවත ප්‍රතිසංස්කරණය කිරීමේන් පසු ධීවර අමාත්‍ය ඩග්ලස් දේවානන්දා මහතා අතින් අද (28) දින විවෘත කරයි.
මුස්ලිම් කොන්ග්‍රස් පක්ෂයේ හිටපු නායක එම්.එච්.එම්. අෂ්රෝෆ් මහතා විසින් නාවික කටයුතු භාර අමාත්‍යවරයාව සිටි අවදියේ ආරම්භ කරන ලද ඔලුවිල් වරාය විවිධ හේතු හා බාධක මත අවසන් කිරීමට නොහැකි වු අතර මෙම රජය බලයට පත්වීමේන් පසු මෙම වරාය ධීවර අමාත්‍යංශයට පවරා දෙන ලදි. පසුව අමත්‍ය ඩග්ලස් දේවානන්දා මහතාගේ බලවත් උනන්දුව මත පෞද්ගලික අංශයද මැදිහත්කරගෙන මෙම වරාය නැවත ක්‍රියාත්මක කිරීම සදහා අවශ්‍ය පියවර ගන්නා ලදි.
මෙම වරායේ ප්‍රතිසංස්කරණ කටයුතු පෞද්ගලික අංශයට හා සිය අමාත්‍යංශය මගින් සිදු කිරීම සිදුවන අතර මෙම වරාය ඉදිරිකාලයේදි ලංකා ධීවර වරාය සංස්ථාවට පවරන බව අමාත්‍යවරයා මෙහිදි පැවසුවේය.
මෙම වරාය නැවත ආරම්භ කිරීම නිසා ප්‍රදේශයේ ගැඹුරු මුහුදට යාමට ඇති බහුදින යාත්‍රා ඇතුලු ධීවර යාත්‍රා 300ට පමණ අවශ්‍ය පහසුකම් මෙමගින් සැළසෙන බවද ඒ අනුව මෙම වරායෙන් වසරකට මත්ස්‍ය මේට්‍රික්ටොන් 20000ක් පමන නෙලාගැනීමට අපේක්ෂා කරන බවද අමාත්‍යවරයා ප්‍රකාශ කළේය.
ඊට අමතරව වරාය තුළ ටින් මාලු කර්මාන්ත ශාලාවක් සහ අයිස් කර්මාන්ත ශාලාවක් ද පෞද්ගලික අංශය මගින් ආරම්භ කරන බවද ඒ තුළින් උතුරු නැගෙනහිර පළාතේ ධීවර ජනතාවගේ ජීවනොපාය වැඩි දියුණු වන බවද අමාත්‍යවරයා වැඩිදුරටත් ප්‍රකාශ කළේය.
මෙම වරායේ ප්‍රතිසංස්කරණ කටයුතු සදහා ධීවර අමාත්‍යංශය, ධීවර වරාය සංස්ථාව විසින් අදාළ ඇස්තමේන්තු සකස්කරගෙන යන බවද වරාය තුළින් ධීවරයන්ට ඉන්ධන සැපයිම සදහා වරාය තුළ ඇති ඉන්ධනහල් ද ප්‍රතිසංස්කරණය කරමින් පවති.මෙම කටයුතු සදහා පෞද්ගලික අංශය සහ ප්‍රදේශයේ ධීවර සංවිධාන ද සහභාගි කරගන්නා බවද අමාත්‍යවරයා පවසා සිටියේය.
මෙම අවස්ථාවට ධීවර අමාත්‍යංශ ලේකම් ඉන්දු රත්නායක මහත්මිය, ඇතුලු නිලධාරීන් පිරිසක් සහභාගි විය.
