රුසියානු බැලේ සහ නර්තන පාසලේ කලාත්මක විශිෂ්ටත්වයට වසර 25ක් සපිරීම සහ රුසියානු – ශ්රී ලංකා රාජ්යතාන්ත්රික සබඳතාවලට වසර 70ක් පිරීම නිමිත්තෙන් සංවිධානය කරනු ලබන “Once Upon a Silver Stage” රුසියානු සම්භාව්ය බැලේ ප්රසංගය එළඹෙන 27 වැනිදා කොළඹ නෙළුම් පොකුණ මහින්ද රාජපක්ෂ රඟහලේදී උත්කර්ෂවත් ලෙස පැවැත්වීමට සියලු කටයුතු සූදානම් කර තිබේ. ශ්රී ලංකාවේ සහ මාලදිවයිනේ රුසියානු තානාපති කාර්යාලයේ සංස්කෘතික අංශයේ මෙහෙයවීමෙන්, රුසියානු බැලේ සහ නර්තන පාසලේ සිසු සිසුවියන් 690කගේ සහභාගිත්වයෙන් මෙම සුවිශේෂී ප්රසංගය ඉදිරිපත් කෙරෙන බව කොළඹ රුසියානු මන්දිරයේ (Russian House) අධ්යක්ෂිකා මාරියා පොපෝවා (Maria Popova) මහත්මිය කොළඹදී පැවැති මාධ්ය හමුවකදී තහවුරු කළාය. දිගුකාලීන ද්විපාර්ශ්වික සබඳතා සහ සංස්කෘතික හුවමාරුව ශක්තිමත් කරන සන්ධිස්ථානයක් බඳු මෙම ප්රසංගයේ ප්රධාන ආරාධිත අමුත්තන් ලෙස ශ්රී ලංකාවේ සහ මාලදිවයිනේ රුසියානු තානාපති ලෙවන් එස්. ජගාරියන් මහතා සහ ආචාර්ය හිනිදුම සුනිල් සෙනෙවි මහතා සහභාගි වීමට නියමිත අතර, රුසියානු මධ්යස්ථානයේ නිලධාරීන් මෙන්ම ප්රවීණ බැලේ උපදේශකවරුන් රැසක් ද මේ සඳහා සිය දායකත්වය සපයා ඇත.
