මාතර දිස්ත්රික්කයේ කාබනික පොහොර යොදා ගනිමින් වගා කරන ලද අමු තේ දළු කිලෝග්රෑමයක් සඳහා රුපියල් 400ක ඉහළ මිලක් හිමිව ඇති බව ශ්රී ලංකා තේ මණ්ඩලය පවසයි. ජපානය, එංගලන්තය සහ රුසියාව වැනි විදෙස් රටවලින් මෙම කාබනික තේ සඳහා පවතින ඉහළ ඉල්ලුම මෙම මිල ඉහළ යාමට ප්රධානතම හේතුව වී තිබේ. මීට සාපේක්ෂව පසුගිය අප්රේල් මාසයේදී රසායනික පොහොර යොදා වගා කළ අමු තේ දළු කිලෝග්රෑමයක් සඳහා ගෙවා ඇත්තේ රුපියල් 220කට වැඩි මිලක් වන අතර ඒ අනුව කාබනික වගාව සඳහා ගොවීන්ට දෙගුණයකට ආසන්න ආදායමක් හිමිවී ඇත. වර්තමානය වන විට දිවයින පුරා ලක්ෂ 15කට අධික පිරිසක් තේ කර්මාන්තය සිය ජීවනෝපාය කරගෙන සිටින බව පෙන්වා දෙන තේ මණ්ඩලය, මෙවැනි ඉහළ මිලක් ලැබීම දේශීය තේ කර්මාන්තයේ අනාගතයට ඉතා සුබදායී තත්ත්වයක් බව ද අවධාරණය කරයි.
