එළඹෙන වෙසක් උත්සවය නිමිත්තෙන් මේ වනවිට දිවයින පුරා වෙසක් දන්සැල් 2,388ක් නිල වශයෙන් ලියාපදිංචි වී ඇති බව ශ්රී ලංකා මහජන සෞඛ්ය පරීක්ෂකවරුන්ගේ සංගමය (PHISL) පවසයි. එම සංගමයේ ලේකම් චමිල් මුතුකුඩ මහතා විශේෂ නිවේදනයක් නිකුත් කරමින් සඳහන් කළේ, ඉදිරි වෙසක් සතිය වෙනුවෙන් සංවිධානය කරනු ලබන දන්සැල් ලියාපදිංචි කිරීමේ කටයුතු එළඹෙන මැයි 29 වනදා දක්වා අඛණ්ඩව සිදුකරන බවයි.
මහජනතාව වෙත පිරිසිදු හා සෞඛ්යාරක්ෂිත ආහාර පාන සැපයීම සහතික කිරීමේ අරමුණින් මෙම මස මුල සිටම දන්සැල් ලියාපදිංචි කිරීම ආරම්භ කර ඇති අතර, දිවයින පුරා පිහිටි සියලුම සෞඛ්ය වෛද්ය නිලධාරී (MOH) කාර්යාල මට්ටමින් එම කටයුතු ක්රියාත්මක වේ. දන්සැල් සංවිධායකයින් ප්රදේශයේ මහජන සෞඛ්ය පරීක්ෂකවරුන්ගේ උපදෙස් පරිදි කටයුතු කිරීම අනිවාර්ය වන අතර, ලියාපදිංචි කෙරෙන දන්සැල් ඉදිරි දිනවලදී විශේෂ පරික්ෂාවකට ලක් කරන බවද චමිල් මුතුකුඩ මහතා වැඩිදුරටත් සඳහන් කළේය.
