ශ්රී ලංකාවේ පාකිස්ථානු මහ කොමසාරිස් කාර්යාලයේ ආරක්ෂක උපදේශක ලෙස කටයුතු කරන කර්නල් මුහම්මද් තල්හා බදාර් (Muhammad Talha Badar) මහතා සහ නාවික හමුදාධිපති, වයිස් අද්මිරාල් ඩේමියන් ප්රනාන්දු මහතා අතර නිල හමුවක් නාවික හමුදා මූලස්ථානයේදී සිදු විය.
මෙම නිල හමුවේදී, 27 වන නාවික හමුදාධිපති වශයෙන් වැඩභාරගත් වයිස් අද්මිරාල් ඩේමියන් ප්රනාන්දු මහතා වෙත පාකිස්ථානු ආරක්ෂක උපදේශකවරයා විසින් සිය සුභාශිංසන පිරිනමන ලදී. අනතුරුව, දෙරටේ නාවික හමුදා අතර පවතින සහයෝගීතාව ඇතුළු ද්විපාර්ශ්වික වශයෙන් වැදගත් කරුණු කිහිපයක් සම්බන්ධයෙන් ඔවුන් සුහද පිළිසඳරක නිරත වූහ. මෙම හමුව සනිටුහන් කරමින් දෙපාර්ශ්වය අතර සමරු තිළිණ හුවමාරුවක්ද සිදු කෙරිණි.
