මැතිවරණ සම්බන්ධයෙන් වන නීති (පළාත් සභා ඡන්ද විමසීමට අදාළ නීති හැර) සමාලෝචනය කර පාර්ලිමේන්තුවට වාර්තා කිරීම සඳහා පත් කරන ලද පාර්ලිමේන්තු විශේෂ කාරක සභාව, එහි සභාපති රාජ්ය පරිපාලන, පළාත් සභා සහ පළාත් පාලන අමාත්ය මහාචාර්ය ඒ.එච්.එම්.එච්. අබයරත්න මහතාගේ ප්රධානත්වයෙන් පළමුවරට පාර්ලිමේන්තුවේදී රැස් විය.
නීති සමාලෝචනය: ඡන්ද හිමියන් ලියාපදිංචි කිරීමේ පනත, පළාත් පාලන ආයතන ඡන්ද විමසීම් පනත, පාර්ලිමේන්තු මැතිවරණ පනත, ජනාධිපතිවරයා තෝරා පත් කර ගැනීම පිළිබඳ පනත සහ ඒ හා සම්බන්ධ සංශෝධන ගැඹුරින් අධ්යයනය කිරීම.ප්රතිසංස්කරණ නිර්දේශ කිරීම: පවතින නීති ප්රතිශෝධනය කිරීමේ, සංශෝධනය කිරීමේ සහ ඒකාබද්ධ කිරීමේ අවශ්යතාවය ඇගයීම සහ වර්තමාන මැතිවරණ නීති සඳහා අවශ්ය නව ප්රතිසංස්කරණ නිර්දේශ කිරීම.
සාක්ෂි සහ කරුණු විමසීම: කාරක සභාවට අවශ්ය ඕනෑම පුද්ගලයෙකු කැඳවීමට, වාර්තා හෝ ලේඛන කැඳවීමට සහ සාක්ෂි වාචිකව හෝ ලිඛිතව ලබා ගැනීමට බලය ඇත.විශේෂඥ දායකත්වය: කාරක සභාවේ කටයුතු සාර්ථක කර ගැනීම සඳහා අදාළ ක්ෂේත්රවල විශේෂඥයන්ගේ සහ ප්රවීණයන්ගේ සේවය ලබා ගැනීමට අවස්ථාව පවතී.මහජන සහභාගීත්වය: මෙම සමාලෝචන ක්රියාවලිය පිළිබඳව මහජනතාව දැනුවත් කිරීමට සහ ඒ සඳහා මහජන අදහස් ලබා ගැනීමට සාමාජික මන්ත්රීවරුන් එකඟතාව පළ කර ඇත.
මෙම කාරක සභාව සඳහා නියෝජ්ය අමාත්ය සුනිල් වටගල මහතා ඇතුළු පාර්ලිමේන්තු මන්ත්රීවරුන් වන රවී කරුණානායක, ජේ.සී. අලවතුවල, හර්ෂණ රාජකරුණා, කදිරවේලු ෂන්මුගම් කුගදාසන්, රුවන්තිලක ජයකොඩි, තුෂාරි ජයසිංහ සහ චන්දිම හෙට්ටිආරච්චි යන මහත්ම මහත්මීන් සහභාගී වූහ.
