ශ්රී ලංකාවේ කිරි නිෂ්පාදන ක්ෂේත්රයේ අතිශය ජනප්රිය නාමයක් වන පැල්වත්ත සමාගම සිය සේවාවන් තවත් එක් අදියරකින් ඉදිරියට ගනිමින් කුරුණෑගල ප්රදේශයේ අතිනවීන දියර කිරි නිෂ්පාදනාගාරයක ඉදිකිරීම් කටයුතු නිල වශයෙන් ආරම්භ කර තිබෙනවා. මෙරට කිරි කර්මාන්තයේ අනාගතය සම්පූර්ණයෙන්ම වෙනස් කරනු ඇති බවට පැවසෙන මෙම දැවැන්ත ව්යාපෘතිය පිළිබඳව මේ වන විටත් පාරිභෝගිකයින් අතර විශාල උද්යෝගයක් නිර්මාණය වී ඇත.
Pelwatte Foods (Pvt) Limited හරහා ක්රියාත්මක වන මෙම නවතම දියර කිරි නිෂ්පාදනාගාරයේ මුල්ගල තැබීමේ උත්සවය ඉතා උත්කර්ෂවත් අයුරින් පැවැත්වුණු අතර, ඒ හරහා දේශීය පාරිභෝගිකයින්ට උසස් තත්ත්වයේ නැවුම් කිරි නිෂ්පාදන තවත් පුළුල් පරාසයක ලබා ගැනීමට මඟපෑදී තිබෙනවා. කිරිපිටි වෙළඳපොළේ දිගු කලක් තිස්සේ ප්රමුඛස්ථානය දිනාගත් පැල්වත්ත සමාගම, ඉදිරියේදී දියර කිරි නිෂ්පාදනය තුළද සිය ආධිපත්යය තහවුරු කිරීමට සූදානම් වන බවයි මෙමඟින් පැහැදිලි වන්නේ.
මෙම නව කර්මාන්තශාලාව සම්පූර්ණයෙන් සක්රීය වීමත් සමඟම සාමාන්ය දියර කිරි පමණක් නොව, චොකලට්, වැනිලා, ස්ට්රෝබෙරි සහ අයිස් කෝපි වැනි විවිධ රසගැන්වූ නැවුම් දියර කිරි නිෂ්පාදන රැසක් පාරිභෝගිකයින් වෙත සමීප කිරීමට ඔවුන් බලාපොරොත්තු වනවා. වෙනස් වන පාරිභෝගික රුචිකත්වයන්ට හරියටම ගැළපෙන අයුරින් මෙම නිෂ්පාදන පෙළ වෙළඳපොළට නිකුත් කිරීමට නියමිතයි.
මෙම ඓතිහාසික සන්ධිස්ථානය පිළිබඳව අදහස් දක්වමින් කළමනාකාර අධ්යක්ෂ අක්මල් වික්රමනායක මහතා පෙන්වා දී ඇත්තේ මෙය හුදෙක් ඉදිකිරීම් ආරම්භයක් පමණක් නොව, පවුල් ගණනාවක විශ්වාසය දිනූ ලෝක මට්ටමේ කිරි පෝෂණය තවත් ඉදිරියට ගෙනයාමේ දැඩි කැපවීමක් බවයි. එසේම, සභාපති ආරියශීල වික්රමනායක මහතා සඳහන් කර ඇත්තේ දේශීය කර්මාන්ත ශක්තිමත් කිරීම යනු ශ්රී ලංකාවේ අනාගතය වෙනුවෙන් කරන ආයෝජනයක් බවත්, ගොවීන්ට තිරසාර වටිනාකමක් නිර්මාණය කිරීම මෙමඟින් අපේක්ෂා කරන බවත්ය.
ජාත්යන්තර ප්රමිතීන්ට අනුකූලව ඉදිකෙරෙන මෙම නව කර්මාන්තශාලාවේ මෙහෙයුම් 2027 වසරේදී සම්පූර්ණයෙන්ම ආරම්භ වීමට නියමිත අතර, එය මෙරට කිරි සැපයුම් දාමයට මෙන්ම දරුවන්ගේ සහ මව්වරුන්ගේ පෝෂණ අවශ්යතාවන්ට විශාල රුකුලක් වනු ඇත.
