පේරාදෙණිය විශ්වවිද්යාලයේ AQ 40 ශාලාව, එහි 23 ක් වන නේවාසිකාර වලින් කුඩාම නේවාසිකාරය වන අතර එහි නවාතැන් සැලසිය හැකි වන්නේ සිසුන් 30 දෙනෙකුට පමණකි. මීට වසර කිහිපයකට පෙර කාර්යමණ්ඩල නිල නිවාසයක් ලෙස භාවිතා වූ එය පසුව නේවාසිකාගාර අර්බුදයට විසදුමක් ලෙස පිරිමි නේවාසිකා ගාරයක් බවට පත් කරන ලදි.
උපකුලපති ළමාවංශගේ පාලන කාලයේ සංඝාරාමයේ නේවාසික ශිෂ්ය හිමිවරුන්, ජ්යෙෂ්ඨ ශිෂ්ය හිමිවරුන් අතින් නවක වදයට ලක්වන බව පවසමින් ඊට විසදුමක් ලෙස නවක ශිෂ්ය හිමිවරුන් සංඝාරාමයෙන් ඉවත් කර AQ 40 ශාලාවට අනුයුක්ත කිරීමට කටයුතු කරන ලදි.මෙහි උපශාලාධිපතිවරයෙකුට රැදී සිටීම සදහා පහසුකම් ප්රමාණවත් නොවුනෙන් ආරක්ෂාව සදහා පූර්ණකාලීනව ආරක්ෂක නිලධාරීන් සහ පිරිසිදුකිරීම් සදහා කම්කරුවන් පමණක් යොදවා තිබුණි.
නමුත් උපකුලපතිවරයා හට සාරානන්ද හිමියන්ගෙන් පලිගැනීම සදහා අවශ්යතාවය මතුවූ විට හදිසියේම AQ 40 ශාලාවට උපශාලාධිපතිවරයෙකු අනුයුක්ත කිරීමේ අත්යවශ්යතාවය පෙනී ගොස් තිබේ.ඒ අනුව කහගල සාරානන්ද හිමියන් වහාම ක්රියාත්මක වන පරිදි ශිෂ්ය හිමිවරුන් 30 දෙනෙකු බලා කියා ගැනීම සදහා AQ 40 ශාලාවට මාරු කර ඇත.
මෙම පලිගැනීමේ චිරස්තීනම කොටස එළැඹෙන්නේ ඉන් පසුවය.
සංඝාරාමය සහ කෙහෙල්පන්නල යන ප්රධාන භික්ෂු නේවාසිකාර දෙක ශිෂ්ය හිමිවරුන් 123 දෙනෙකුට නේවාසික පහසුකම් සැපයීම සිදුකරනු ලබයි.මෙම නේවාසිකාගාර ද්විත්වයේ උපශාලාධිපති ලෙස කටයුතු කල කහගල සාරානන්ද හිමි AQ 40 ශාලාවට ස්ථාන මාරු කිරීමෙන් පසු සංඝාරාමය සහ කෙහෙල්පන්නල නේවාසිකාගාර සදහා වෙනත් උපශාලාධිපතිවරයෙකු පත් කිරීම පරිපාලනය විසින් සිදුකල යුතුය.සාරානන්ද හිමියන්ට සිදුකල අසාධාරණ පලිගැනීම හේතුවෙන් සියළු උපශාලාධිපතිවරුන් සංඝාරාමය සහ කෙහෙල්පන්නල ශාලාවල වගකීම භාරගැනීම ප්රතික්ෂේප කර ඇත.
ඒ අනුව කර කියා ගත හැකි දෙයක් නොමැතිව අසරණ වූ ළමාවංශ නවක කාන්තා උපශාලාධිපතිවරියකට තර්ජනය කර ඇය සංඝාරාමය සහ කෙහෙල්පන්නල භික්ෂු නේවාසිකාගාර ද්විත්වයේ වැඩ බැලීම සදහා පත් කොට ඇත.
ඒ අනුව ඉතිහාසයේ පළමු වතාවට සංඝාරාමය සහ කෙහෙල්පන්නල භික්ෂු නේවාසිකාගාර ද්විත්වය පාලනය සදහා කාන්තා උපශාලාධිපතිනියක් පත් කිරීමෙන්ද ළමාවංශ පාලනය වාර්ථාවක් තැබීමට කටයුතු කර තිබේ.( එකගෙයි කෑම වැනි තවත් වාර්ථා ඇත)
කෙසේ වෙතත් අයුතු බලපෑම් හමුවේ නොනැමෙන සාරානන්ද හිමි එක් දිනක් වත් AQ 40 ශාලාවට ගියේ නැත.මෙම පරිපාලනම තීරණයට එරෙහි වීම මත එහිමියන්ට එරෙහිව පරීක්ෂණයක් සිදුකෙරෙන අතර එහි නිර්දේශ මත මාස 6 ක වැටුප් කපා හැරීම සිදුකර තිබේ.
ඉනුත් පලිගැනීම අවසන් වන්නේ නැත.
පේරාදෙණියේ ඉහල පරිපාලනයේ ඇතැම් මානසික ව්යාධිකාරයින්ට සහ ඔවුන්ගේ සහචරයන්ට නොසංසිදෙන එක් පොදු ආශාවක් තිබෙන බව පෙනේ. එය නම් සේවකයන් “ගෙදර යැවීමට” ඇති ආශාවය.මේ ගෙදර යැවීම හවසට ඩියුටි ඕෆ් වී ගෙදර යාම වැනි දෙයක් නොවේ.රැකියාවෙන් නෙරපා හැරීමය.ලොකු කුඩා කුමන වරදකට වුවද ඔවුන්ගේ එකම තෝරා ගැනීම ගෙදර යැවීම වී ඇත්තේ එහෙයිනි.
එකී ආශාවට අනුව කහගල සාරානන්ද හිමියන්ගේ මාස 6 ක වැටුප් කපා හැරීමෙන් ඔවුන්ගේ ආශාව සංසිදුනේ නැත.ඒ අනුව සාරානන්ද හිමියන් සේවයෙන් නෙරපා හැරීම අරමුණු කර ගනිමින් කුමන හෝ වරදක් සොයා ගැනීමේ මෙහෙයුමක් ඇරඹී තිබේ.
ඒ ගැන තොරතුරු ඊලග කොටසින්
– මතු සම්බන්ධයි
