පේරාදෙණිය විශ්වවිද්යාලයේ ශාස්ත්ර පීඨයේ කථිකාචාර්යවරයෙකු ලෙස කටයුතු කරන පූජ්ය ආචාර්ය මුතුකෙළියාවේ ඉන්දරතන හිමිට එරෙහිව විශ්වවිද්යාලයේ විභාග නීති රීති කඩ කිරීම පිළිබදව විනය පරීක්ෂණයක් ක්රියාත්මක වන බව වාර්තා වේ.
පාලි හා බෞද්ධ අධ්යනාංශයේ අංශාධිපති මහාචාර්ය මහින්ද හේරත් විසින් උපකුලපතිවරයා වෙත යොමු කරන ලද පැමිණිල්ලක් පදනම් කර ගනිමින් මෙම විනය පරීක්ෂණය ආරම්භ කර තිබෙන අතර පේරාදෙණිය විශ්වවිද්යාලයේ විභාග නීති රීති වලට පටහැනිව, සිය සමීප ඥාතියෙකු ඉගෙනුම ලබමින් සිටියදී එම පාඨමාළාවේ පිළිතුරු පත්ර පරීක්ෂාව සිදුකර එම හිමියන් විසින් වරදක් කර තිබෙන බව මෙහිදී චෝදනා කර තිබේ.
ශාස්ත්ර පීඨයේ පාලි හා බෞද්ධ අධ්යනාංශයේ ශිෂ්යාවක වන එම්.ඞී.සී.කසුනිකා (A/19/336) යන ශිෂ්යාව තම පවුලේ සමීප සාමාජිකයෙකු බව (Close Family Member) ඉන්දරතන හිමියන් ලිඛිතව සදහන් කර තිබියදී එකී ශිෂ්යාවගේ විභාග පිළිතුරුපත් ඇගැයීමේ කටයුත්ත ඔහු විසින්ම සිදුකර තිබීම මගින් “සම්බන්ධතා අතර ගැටුමක් උද්ගත වන බව”ත් පේරාදෙණිය විශ්වවිද්යාලයේ විභාග නීති රීති උල්ලංඝණය වන බවත් මෙහිදී විමර්ශනයට ලක් කෙරේ.
මෙම විමර්ශන මණ්ඩලය සදහා මහාචාර්ය ප්රසාද් අමරතුංග සහ මහාචාර්ය රූපිකා රාජකරුණා යන ද්වී පුද්ගල විමර්ශන මණ්ඩලය පත්කර ඇත.
කෙසේ වෙතත් ආගමික සංස්ථාවේ ඉහල නායකත්වයේ සහ විශ්වවිද්යාලයේ ඉහලම බලධාරියෙකුගේ බලපෑම් යොදාගනිමින් මෙම විමර්ශන කටයුත්ත යටපත් කිරීමට කටයුතු කරමින් තිබෙන බවටත් ඉන් අනතුරුව මෙම ස්වාමීන් වහන්සේ පාලි හා බෞද්ධ අධ්යනාශයේ අංශප්රධාන ලෙසට පත්කිරීමේ සැගවුන න්යාපත්රයක් ඇති බවටත් සැක මතුවී තිබේ.
