පේරාදෙණිය විශ්වවිද්යාලයේ සිදුව ඇති බව කියන සොරකම් කිහිපයකට අදාලව සිදුකර තිබෙන පරීක්ෂණ වාර්තා දෙකකින් රාජකාරි පැහැර හැරීමට වරදකරු කර තිබෙන ආරක්ෂක නිලධාරියාට විශ්වවිද්යාල බලධාරීන් විසින් පසුගිය දිනවල උසස් වීමක් ලබාදී තිබෙන බව අනාවරණය වේ.
එච්.ඩී.එස්.එන්. සුභසිංහ නැමැති මෙම නිලධාරියා පේරාදෙණිය විශ්වවිද්යාලයේ ආරක්ෂක අංශයේ වැඩබලන නියෝජ්ය ප්රධාන ආරක්ෂක නිලධාරී ලෙස උසස් කිරීමට කටයුතු කර තිබෙන්නේ ඔහුගේ අයහපත් සේවා වාර්තාව සම්බන්ධයෙන් කිසිදු සැලකිල්ලක් නොදක්වා බව පෙනෙන්නට තිබේ. ආරක්ෂක පරීක්ෂක වරයෙකු ලෙස සේවය කල මොහුට මෙම උසස් වීම ලබාදී තිබෙන්නේ විශ්වවිද්යාල ආයතන සංග්රහයේ ප්රතිපාදන සම්පූර්ණයෙන්ම උල්ලංඝනය කරමිනි.
2022 ජූලි මස 28 සහ 29 දිනවල ආරක්ෂක කාර්යාල පරිශ්රයේ නවතා තිබුන රජයේ වාහන කිහිපයක ඉන්ධන ටැංකිවල මූඩි කඩා ඉන්ධන සොරා ගැනීමක් සිදුකිරීම පිලිබදව පී.ඞී.ඒ.ද අල්විස් නැමැති විමර්ශන නිලධාරියා විසින් සිදුකරන ලද විමර්ශනයේදී රාජකාරී පැහැර හැරීම සම්බන්ධයෙන් මෙම නිලධාරියා වැරදිකරුවෙකු වන බව නිගමනය කර ඇත. මෙම විමර්ශන වාර්තාවේ ඒ සම්බන්ධයෙන් වගකිවයුතු බවට ආරක්ෂක නිලධාරීන් 5 දෙනෙකු නම් කර තිබෙන අතර එහි 2 වන ස්ථානයේ සදහන්ව තිබෙන්නේ සුභසිංහ නැමැත්තා ගේ නමයි.
2024 වර්ෂයේදී ආරක්ෂක කාර්යාල පරිශ්රයේ නවතා තැබු අංක 77 – 0548 දරන කුබෝටා ට්රැක්ටරයක ඉංජිමක් අතුරුදහන් වීම සම්බන්ධයෙන් සොයා බැලීම සදහා පත් කරන ලද එච්.එම්. සුරවීර නැමැති විමර්ශන නිලධාරියා විසින් ලබාදී තිබෙන 2024-01- 08 දිනැති වාර්ථාවේද රාජකාරී පැහැර හැරීම සම්බන්ධයෙන් සුභසිංහ නැමැති මෙම නිලධාරියා වගකිවයුතු වන බව නිගමනය කර තිබේ.
අදාල වාර්තාවේ අංක 8 යටතේ මොහුගේ නම සටහන්ව ඇත. රාජකාරී පැහැර හැරීමක් සම්බන්ධයෙන් පරීක්ෂණ වාර්තා දෙකකින් වරදකරු කල පුද්ගලයෙකුට අදාල අංශයේ වගකිවයුතු තනතුරක් සදහා උසස් වීමක ලබාදීමට කටයුතු කිරීම සම්බන්ධයෙන් විශ්වවිද්යාල ප්රජාව විමතිය පලකරන අතර මේ සම්බන්ධයෙන් රජයේ විගණන නිලධාරින් සොයා බැලිය යුතු බවද කියා සිටී.
