උතුම් වූ පාප් වහන්සේ බැහැදැකීම පිණිස වතිකානුව වෙත යාම සඳහා අග්රාමාත්යතුමා විසින් ඉල්ලීමක් කොට හෝ එවැනි ආරාධනයක් ලැබී හෝ නොමැති බව විදේශ අමාත්යංශය පවසයි.
එම අමාත්යංශය පැවසුවේ ඉතාලියේ අග්රාමාත්යතුමා සහ ඉතාලියේ හා අනෙකුත් යුරෝපා රටවල සම්භාවනීය අමුත්තන් සහභාගී වන ජාත්යන්තර උත්සව අංගයකට සහභාගී වීම සඳහා අග්රමාත්යතුමා සහ විදේශ අමාත්යතුමා නොබෝ දිනකින් ඉතාලියේ බොලොඤ්ඤා නගරයෙහි සංචාරයක නිරත වීමට නියමිතව ඇති බවයි.
යුරෝපයේ පැරණිම අධ්යයන ආයතනයක් වන බොලොඤ්ඤා විශ්වවිද්යාලයේ පැවැත්වෙන ජාත්යන්තර සම්මන්ත්රණයේ ආරම්භක සැසියේ ප්රධාන දේශනය ශ්රී ලංකා අග්රාමාත්යවරයා විසින් සිදුකිරීමට නියමිතය.
කිසිදු අවස්ථාවක දී, උතුම් වූ පාප් වහන්සේ බැහැදැකීම පිණිස වතිකානුව වෙත යාම සඳහා අග්රාමාත්යතුමා විසින් ඉල්ලීමක් කොට හෝ එවැනි ආරාධනයක් ලැබී හෝ නොමැති බව විදේශ අමාත්යංශය පවසයි.
බොලොඤ්ඤා හි පැවැත්වෙන උත්සව අංගයන් අවසන් වූ පසුව, අග්රාමාත්යවරයා සහ විදේශ අමාත්යතුමා ඉතාලියෙන් පිටත්ව එනු ඇති බව විදේශ අමාත්යංශය වැඩිදුරටත් කියා සිටියේය.
