‘රටම එකට’ ජාතික මෙහෙයුම ආරම්භ වී ගත වූ මාස 9ක කාලය තුළ සැකකරුවන් 239,384 දෙනෙකු අත්අඩංගුවට ගෙන ඇති බව පොලිස් මාධ්ය ප්රකාශක, සහකාර පොලිස් අධිකාරී එෆ්.යු. වුට්ලර් මහතා පවසයි.
කොළඹදී පැවති විශේෂ මාධ්ය සාකච්ඡාවකදී මේ බව අනාවරණය වූ අතර, එම මෙහෙයුමේ ප්රධාන ප්රගති වාර්තාවට අනුව හෙරොයින් කිලෝ 2,253කට අධික ප්රමාණයක් (රුපියල් මිලියන 43,584ක් වටිනා), අයිස් මත්ද්රව්ය කිලෝ 2,640කට අධික ප්රමාණයක් (රුපියල් මිලියන 42,251ක් වටිනා) සහ කොකේන් කිලෝ 293කට අධික ප්රමාණයක් අත්අඩංගුවට ගෙන ඇත. මීට අමතරව, ප්රධාන පෙළේ මත්ද්රව්ය ජාවාරම්කරුවන් 995 දෙනෙකු සහ මත්ද්රව්ය වැරදි සම්බන්ධයෙන් වයස අවුරුදු 14ත් 18ත් අතර ළමුන් 743 දෙනෙකු මෙන්ම අවුරුදු 18ත් 21ත් අතර පුද්ගලයින් 7,866 දෙනෙකුද මෙම කාලය තුළ අත්අඩංගුවට ගෙන තිබේ.
