අපරාධ හා මත්ද්රව්ය නිවාරණ මෙහෙයුම් යටතේ දිවයින පුරා පොලිසිය විසින් සිදු කරන ලද දෛනික සෝදිසි මෙහෙයුම්වලදී සැකකරුවන් 640 දෙනෙකු අත්අඩංගුවට ගෙන ඇත. ඊයේ (11) දිනයේදී සිදු කළ මෙම මෙහෙයුම්වලදී පුද්ගලයින් 27,217 දෙනෙකු පරීක්ෂාවට ලක් කර ඇති බව පොලිස් මූලස්ථානය පවසයි.
අත්අඩංගුවට ගත් පිරිස අතර අපරාධ සම්බන්ධයෙන් සෘජුව සම්බන්ධ වූ පුද්ගලයින් 30 දෙනෙකු සහ විවෘත වරෙන්තු නිකුත් කර සිටි සැකකරුවන් 88 දෙනෙකු සිටින බව පොලිසිය තහවුරු කරයි. තවද, බීමත්ව රිය පැදවීමේ චෝදනා මත පුද්ගලයින් 173 දෙනෙකු සහ අපරික්ෂාකාරී ලෙස රිය පැදවූ පුද්ගලයින් 133 දෙනෙකු මෙහිදී පොලිස් භාරයට ගෙන ඇත.
මීට අමතරව, විවිධ රථවාහන වැරදි සම්බන්ධයෙන් පුද්ගලයින් 4,051 දෙනෙකුට එරෙහිව නීතිමය පියවර ගැනීමට පොලිසිය කටයුතු කර තිබේ. රට තුළ අපරාධ මර්දනය කිරීම සහ මහජන ආරක්ෂාව තහවුරු කිරීම අරමුණු කරගනිමින් පොලිසිය විසින් මෙම විශේෂ මෙහෙයුම් දිගින් දිගටම ක්රියාත්මක කිරීමට පියවර ගෙන ඇත.
