මෙම වසරේ ජනවාරි 01 වැනිදා සිට මැයි 31 දා දක්වා කාලය තුළදී බීමත් රියැදුරන් 36,234 දෙනෙකු රථවාහන පොලීසිය විසින් අත්අඩංගුවට ගෙන ඇත. රථවාහන පොලිස් මූලස්ථානය පවසන පරිදි, එම කාලසීමාව තුළ අපරීක්ෂාකාරීව රිය පැදවීම සම්බන්ධයෙන් තවත් රියැදුරන් 10,390 දෙනෙකු අත්අඩංගුවට ගෙන තිබේ.
මීට අමතරව, රථවාහන සම්බන්ධ වෙනත් නීති උල්ලංඝනය කිරීම් හේතුවෙන් රියැදුරන් 639,626 දෙනෙකුට එරෙහිව නීතිය ක්රියාත්මක කිරීමට පියවර ගෙන ඇති බව එම මූලස්ථානය වැඩිදුරටත් සඳහන් කරයි.
