ප්රබල මත්ද්රව්ය ජාවාරම්කරුවකුගේ බිරිඳක් සමඟ ලැගුම්හලක කාමරයක් තුළ සමීපව හැසිරෙන අයුරු දැක්වෙන වීඩියෝවක් සමාජ මාධ්ය ඔස්සේ සංසරණය වීම සම්බන්ධයෙන් පොලිස් කොස්තාපල්වරයකුගේ රාජකාරි වැඩ තාවකාලිකව තහනම් කර තිබේ.
කොම්පඤ්ඤවීදිය පොලිස් ස්ථානයට අනුයුක්තව, කොළඹ මධ්යම අපරාධ විමර්ශන කොට්ඨාසයේ ඡායාරූප ශිල්පියකු ලෙස රාජකාරි කළ මෙම කොස්තාපල්වරයා, පසුගිය ජූලි 27 වැනිදා රාජකාරියේ නිරතව සිටියදී කෙසෙල්වත්ත ප්රදේශයේ මත්ද්රව්ය ජාවාරම්කරුවකුගේ බිරිඳ සමඟ කොළඹ 02, ලිලී වීදියේ පිහිටි ලැගුම්හලකට ගොස් ඇති බව අනාවරණය වී ඇත.
මෙම නිලධාරියා අදාළ කාන්තාව හරහා මත්ද්රව්ය ජාවාරම්කරු සමඟ සබඳතා පවත්වමින් මත්ද්රව්ය ප්රවාහනයට හෝ ජාවාරමට සහාය ලබාදී ඇත්දැයි සොයා බැලීම සඳහා සහ විමර්ශන කටයුතුවලට බාධා වීම වැළැක්වීමේ අරමුණින් මෙම පියවර ගෙන ඇති බව පොලිසිය පවසයි.
