2020 පාර්ලිමේන්තු මැතිවරණයට අදාළව තැපැල් ඡන්ද අයදුම්පත් භාර ගැනීමේ දිනය පසුගිය මස එනම් මාර්තු 17 වනදා මධ්යම රාත්රි 12 ට අවසන් බව ප්රකාශ කර තිබු ණ ද 17,18,19 රජයේ විශේෂ නිවාඩු දින ලෙස ප්රකාශයට පත් කිරීම හේතුවෙන් ඉදිරි දිනවල දි ලැබෙන තැපැල් අයදුම්පත් ලෙස භාර ගැනීමට කටයුතු කරන බව මැතිවරණ කොමිෂන් සභාව පවසයි.
කොරෝනා වෛරසය පැතිරීම පාලනය කිරීම සඳහා රජය ගනු ලබන ක්රියා මාර්ග අනුව තැපැල් ඡන්ද අයදුම්පත් භාර ගැනීමේ අවසන් දිනය පසුව නිවේදනය කරන බව මැතිවරණය කොමිෂන් සභාවේ සභාපති මහින්ද දේශප්රිය මහතා විසින් නිවේදනයක් නිකුත් කරමින් සඳහන් කර සිටියේය.
එසේම තැපැල්පති වෙත ලැබී ඇති තැපැල් ඡන්ද අයදුම්පත් 2020.04.27 දින වන විට දිස්ත්රික් මැතිවරණ කාර්යාල වෙත ලබා දීමට තැපැත්පතිවරයා පියවර ගනු ඇති අතර තැපැල් ඡන්ද අයදුම්පත් භාර ගැනීමේ අවසන් දිනය ලෙස නියම කර තිබු 2020.03.17 දින වන විට ඒ ඒ සහතික කිරීමේ නිලධාරින් වෙත ලැබී තිබු සියළුම අයදුම්පත් අප්රේල් 28 වනදා පස්වරු 4 ට පෙර හෝ එයට පෙර අදාළ කාර්යාලය/ රාජ්ය ආයතනය පිහිටි දිස්ත්රික්කයේ දිස්ත්රික් ලේකම් කාර්යාලය, දිස්ත්රික් මැතිවරණ කාර්යාලය හෝ රාජගිරිය මැතිවරණ මහලේකම් කාර්යාලය වෙත ආවරණ ලිපියක් සමග අතින් ගෙනවිත් භාර දීමට ඒ ඒ සහතික කිරීමේ නිලධාරින් ක්රියා කල යුතු බව මැතිවරණ කොමිෂන් සභාවේ සභාපතිවරයා විසින් දැනුම් දී තිබේ.
