රාජපක්ෂ පවුලේ සාමාජිකයින්ට එල්ල වී ඇති චෝදනා සම්බන්ධයෙන් මෑතකදී අධිකරණයෙන් ලැබුණු නියෝග හමුවේ ඔවුන් දැඩි පීඩනයකට ලක්ව ඇති බව පෙන්වා දෙන නියෝජ්ය අමාත්ය ප්රසන්න ගුණසේන මහතා, එසේ නම් “පුළුවන් නම් බැසිල් රාජපක්ෂව නැවත රටට ගෙන්වන ලෙස” පාර්ලිමේන්තු මන්ත්රී නාමල් රාජපක්ෂ මහතාට අභියෝග කර තිබේ.ප්රසිද්ධ උත්සවයකදී අදහස් දක්වමින් නියෝජ්ය අමාත්යවරයා සඳහන් කළේ, අතීතයේදී තමන්ට එරෙහිව කුමන චෝදනා එල්ල වුවද රාජපක්ෂවරුන්ට එරෙහිව කිසිදු පියවරක් ගත නොහැකි බවට සමාජයේ දැඩි මතයක් පැවති බවයි. කෙසේ වෙතත්, වත්මන් තත්ත්වය වෙනස් වී ඇති බව අවධාරණය කරන ඔහු, ජනාධිපති සහ මහ මැතිවරණවලදී ජනතාව “දූෂිත පාලනයකට” එරෙහිව සිය තීන්දුව ලබා දී ඇති බව සිහිපත් කළේය.මෑතකදී අධිකරණය විසින් නිකුත් කරන ලද නියෝගයකට යොමු වෙමින් නියෝජ්ය අමාත්යවරයා වැඩිදුරටත් කියා සිටියේ, රාජපක්ෂ පවුලේ සාමාජිකයින් සම්බන්ධයෙන් නීතිමය නඩු ගණනාවක් මේ වන විටත් විභාග වෙමින් පවතින බවයි. දූෂණය සම්බන්ධයෙන් චෝදනා ලැබ සිටින සියලුම දෙනාට එරෙහිව ඉදිරි කාලයේදී නීතිය දැඩිව ක්රියාත්මක කරන බවද ප්රසන්න ගුණසේන මහතා මෙහිදී අවධාරණය කළේය.
