බුඩාපෙස්ට් කොටස් වෙළෙඳපොළේ ලැයිස්තුගත ප්රිමියර් එනර්ජි (Premier Energy) සමාගම, ඕස්ට්රේලියාවේ මැකවරි (Macquarie) සමාගමට අයත් ‘Evryo Group’ හි විදුලි බෙදාහැරීමේ ජාලය යුරෝ මිලියන 700 කට (ඇමෙරිකානු ඩොලර් මිලියන 824.39 කට) මිලදී ගැනීමට එකඟ වී තිබේ. මෙම ගනුදෙනුව හරහා රුමේනියාවේ නිරිතදිග ඔල්ටේනියා (Oltenia) කලාපයේ ක්රියාත්මක වන ‘Distributie Energie Oltenia’ නම් විදුලි බෙදාහැරීමේ ජාලයේ පාලන අධිකාරිය ප්රිමියර් එනර්ජි සමාගම සතු වනු ඇත. මැකවරි සමාගමේ වත්කම් කළමනාකරණ අංශය යටතේ මෙතෙක් පැවති මෙම ජාලය අත්පත් කර ගැනීම යුරෝපීය බලශක්ති ක්ෂේත්රයේ ප්රමුඛතම ආයෝජනයක් ලෙස සැලකේ.
මෙම අත්පත් කර ගැනීමත් සමඟ ප්රිමියර් එනර්ජි සමාගම රුමේනියාවේ බලශක්ති වෙළෙඳපොළ තුළ සිය ස්ථාවරය තවදුරටත් ශක්තිමත් කර ගැනීමට අපේක්ෂා කරයි. විශේෂයෙන්ම කලාපීය වශයෙන් විදුලි බෙදාහැරීමේ යටිතල පහසුකම් පුළුල් කිරීම සහ පාරිභෝගිකයින්ට වඩාත් කාර්යක්ෂම සේවාවක් සැපයීම ඔවුන්ගේ අරමුණ වී තිබේ. දෙපාර්ශවය අතර ඇති කරගත් මෙම එකඟතාවය පිළිබඳ නිල නිවේදනය අද (17) නිකුත් කර ඇති අතර, මෙය ඉදිරි වසරවලදී රුමේනියාවේ බලශක්ති සැපයුම් ජාලය නවීකරණය කිරීම සඳහා ද වැදගත් පියවරක් වනු ඇතැයි ආර්ථික විශ්ලේෂකයෝ පෙන්වා දෙති.
