මැදපෙරදිග කලාපයේ පවතින උග්ර යුධමය වාතාවරණය හේතුවෙන් ජාත්යන්තර මූල්ය වෙළෙඳපොළ තුළ ඇමෙරිකානු ඩොලරයට ඇති ඉල්ලුම සීඝ්රයෙන් ඉහළ ගොස් ඇති බවත්, එහි සෘජු බරපතළ බලපෑම ශ්රී ලංකාවේ ආර්ථිකයට ද දැඩිව දැනෙන්නට පටන් ගෙන ඇති බවත් ජනාධිපති අනුර කුමාර දිසානායක මහතා ප්රකාශ කළේය. මේ හේතුවෙන් පසුගිය මාස හතරක කාලය තුළ පමණක් මෙරට ඉන්ධන ආනයන වියදම (තෙල් බිල) ඇමෙරිකානු ඩොලර් මිලියන ගණනින් ඉහළ ගොස් ඇති බව ජනාධිපතිවරයා පෙන්වා දෙයි.
වත්මන් ගෝලීය අර්බුදය හමුවේ රටේ ආර්ථික ස්ථාවරත්වය රැකගැනීම වෙනුවෙන් ඉදිරි කෙටි කාලසීමාව සඳහා රටින් පිටතට ගලා යන ඩොලර් ප්රමාණය උපරිමයෙන් සීමා කර ගැනීමට සියලුම පුරවැසියන්ගේ සහාය අත්යවශ්ය බව ජනාධිපතිවරයා අවධාරණය කරයි. මේ දුෂ්කර අවස්ථාවේදී ජනතාව පටි තද කරගනිමින්, අනවශ්ය වියදම් සීමා කරමින් රට වෙනුවෙන් සිය වගකීම ඉටුකළ යුතු බව ද ඒ මහතා වැඩිදුරටත් ඉල්ලා සිටියේය.
