රටක් ගොඩනැගීමේදී හුදු භෞතික සංවර්ධනය පමණක් ප්රමාණවත් නොවන බවත්, එම සංවර්ධනය රටේ සංස්කෘතිය සහ ඓතිහාසික උරුමයන් සමඟ ඓන්ද්රීයව බැඳී පැවතිය යුතු බවත් ජනාධිපති අනුර කුමාර දිසානායක පවසයි.
බුද්ධශාසන, ආගමික සහ සංස්කෘතික කටයුතු අමාත්යාංශයේ 2026 වසරේ වෙන් කෙරුණු අයවැය ප්රතිපාදන මත ක්රියාත්මක ව්යාපෘතිවල ප්රගතිය සමාලෝචනය සහ 2027 අයවැය යෝජනා පිළිබඳව ජනාධිපති කාර්යාලයේ පැවති සාකච්ඡාවකදී ජනාධිපතිවරයා මෙම අදහස් පළ කළේය. ලොව බොහෝ රටවල් දියුණුව අත්පත් කරගෙන ඇත්තේ සිය සංස්කෘතික පදනම මත පිහිටා බව පෙන්වා දුන් ඒ මහතා, ජාතීන් අතර සමගිය සහ සහජීවනය ගොඩනැගීමේදී මෙම සංස්කෘතික පදනම ඉතා වැදගත් වන බවද සඳහන් කළේය.
මෙහිදී අමාත්යාංශය යටතේ පවතින අංශ තුන සඳහා වෙන් කරන ලද පුනරාවර්තන සහ ප්රාග්ධන වියදම් යටතේ ක්රියාත්මක ව්යාපෘතිවල ප්රගතිය සහ ඉදිරි සැලසුම් පුළුල් ලෙස විමසා බැලුණු අතර, ග්රාමීය ආගමික ස්ථානවල යටිතල පහසුකම් සංවර්ධනය, ආගමික ස්ථාන සඳහා සූර්යබල විදුලි පද්ධති ලබා දීම සහ ආපදාවලින් විනාශයට පත් ස්ථාන නැවත ගොඩනැංවීම පිළිබඳවද සාකච්ඡා කෙරිණි.
