ශ්රී ලංකා කඳුරට හින්දු පූජක සංවිධානයේ පූජකවරුන් සහ ජනාධිපති ලේකම් ආචාර්ය නන්දික සනත් කුමානායක මහතා අතර හමුවක් අද (26) දින ජනාධිපති ලේකම් කාර්යාලයේදී පැවැත්විණි.
මෙම හමුවේදී දශක ගණනාවක් පුරා කඳුරට හින්දු පූජකවරුන් මුහුණ දී සිටින ගැටලු සහ අභියෝග පිළිබඳව දීර්ඝ වශයෙන් සාකච්ඡා කෙරිණි. එම ගැටලු විධිමත් ලෙස විසඳීම සඳහා රජයේ මැදිහත්වීම සහ සහාය ලබා දෙන බව ජනාධිපති ලේකම්වරයා එහිදී සහතික විය. මතු කරන ලද කරුණු පිළිබඳ ප්රගතිය සමාලෝචනය කිරීම සඳහා සෑම මාස දෙක තුනකට වරක් පසු විපරම් සාකච්ඡා පැවැත්වීමට ද මෙහිදී එකඟතාව පළ විය.
එමෙන්ම, කඳුරට ප්රදේශවල සංවර්ධන සහ සමාජීය අවශ්යතා ඉටු කිරීම සඳහා රජය ගෙන යන වැඩපිළිවෙළ පිළිබඳවද මෙහිදී සාකච්ඡා කෙරිණි. තම ගැටලු සෘජුවම රජයට ඉදිරිපත් කිරීමට අවස්ථාව ලබා දීම සම්බන්ධයෙන් ආගමික නායකයින් මෙහිදී සිය ස්තූතිය පළ කළහ.
මෙම අවස්ථාවට ජනාධිපති ජ්යෙෂ්ඨ අතිරේක ලේකම් රොෂාන් ගමගේ, හින්දු ආගමික හා සංස්කෘතික කටයුතු දෙපාර්තමේන්තුවේ අධ්යක්ෂ යෝගරාජා අනිරුද්ධන් යන මහත්වරුන් සහ ශ්රී ලංකා කඳුරට හින්දු පූජක සංවිධානයේ මහලේකම් ආචාර්ය ශිව ශ්රී වේලු සුරේෂ් ශර්මා කුරුක්කල්තුමා ඇතුළු පූජකවරුන් පිරිසක් එක්ව සිටියහ.
