ප්රමුඛ පෙළේ දේපළ වෙළඳාම් සමාගමක් වන Prime Lands විසින් කළුතර ප්රදේශයේ ඉදිවන ‘Kaloora’ සුඛෝපභෝගී තනි නිවාස ව්යාපෘතියේ ඉදිකිරීම් කටයුතු පසුගියදා නිල වශයෙන් ආරම්භ කර තිබේ. මෙය කළුතර නගරය තුළ ඉදිවන මෙවැනි ආකාරයේ ප්රථම පූර්ණ සැලසුම්ගත සුඛෝපභෝගී තනි නිවාස ව්යාපෘතිය (Luxury Housing Project) ලෙස සැලකේ.
Prime සමූහ ව්යාපාරයේ ඉදිකිරීම් අංශය වන Prime Constructions (පුද්.) සමාගම විසින් මෙහි ඉදිකිරීම් සිදුකරන අතර, ව්යාපෘතිය නාගොඩ රෝහලේ සිට මීටර් 800ක සහ දොඩන්ගොඩ අධිවේගී මාර්ග පිවිසුමේ සිට විනාඩි 15ක දුරකින් පිහිටා ඇත. Kaloora ව්යාපෘතියට පිහිනුම් තටාකයක්, නවීන ව්යායාම මධ්යස්ථානයක්, දරුවන් සඳහා සෙල්ලම් පිටියක්, ගෘහස්ථ ක්රිකට් ක්රීඩා පරිශ්රයක්, බහුකාර්ය ශාලාවක් සහ පැය 24 පුරා ක්රියාත්මක ආරක්ෂක පද්ධතියක් ඇතුළු පහසුකම් රැසක් ඇතුළත් වේ.
මෙම ව්යාපෘතිය පිළිබඳව අදහස් දක්වමින් Prime Lands සමාගමේ ප්රධාන විධායක නිලධාරී රුමින්ද රන්දෙණිය මහතා පැවසුවේ, Kaloora යනු කළුතර නගරයේ නේවාසික ක්ෂේත්රයේ සුවිශේෂී සන්ධිස්ථානයක් වනු ඇති බවයි. කොළඹ නගරයේ පවතින සුඛෝපභෝගී නිවාස අත්දැකීමක් කළුතර වැසියන්ට ලබාදීම මෙහි අරමුණ බවත්, සමාගම හඳුන්වා දී ඇති සහනදායී පහසු ගෙවීමේ ක්රමවේද නිසා බොහෝ පවුල්වලට මෙම නිවාස විශ්වාසයෙන් යුතුව මිලදී ගැනීමේ අවස්ථාව උදාවන බවත් ඔහු වැඩිදුරටත් සඳහන් කළේය.
