ලෝක වෙළෙඳපොළේ තෙල් මිල පහළ බැස තිබුණ ද, එම සහනය මේ මොහොතේම මෙරට ජනතාවට ලබා දීමට තාක්ෂණිකව නොහැකි බව අග්රාමාත්ය ආචාර්ය හරිනි අමරසූරිය මහත්මිය පවසනවා. මහනුවර මල්වතු සහ අස්ගිරි මහා නා හිමිවරුන් බැහැදැක ආශිර්වාද ලබා ගැනීමෙන් අනතුරුව මාධ්ය වෙත විශේෂ ප්රකාශයක් කරමින් අගමැතිවරිය මේ බව සඳහන් කළා. දැනට මෙරට වෙළෙඳපොළේ පවතින්නේ මීට මාස දෙකකට පමණ පෙර ඉහළ මිලක් යටතේ ඇණවුම් කර මෙරටට ගෙන්වන ලද ඉන්ධන තොග බවයි ඇය පෙන්වා දෙන්නේ.
වත්මන් රජය දැනටමත් ජනතාව වෙනුවෙන් විශාල පිරිවැයක් දරමින් ඉන්ධන සඳහා සහනයක් ලබා දී ඇති බව පවසන අග්රාමාත්යවරිය, පවතින සැබෑ පිරිවැය අනුව බැලුවහොත් තෙල් ලීටරයක සැබෑ මිල රුපියල් 700ක් පමණ විය යුතු බව ද අවධාරණය කළා. කෙසේ වුවත් රජය එම බර ජනතාව පිට නොපටවා දරා ගන්නා බැවින් ඉන්ධන ලීටරය රුපියල් 400 ගණනක සීමාවේ පවත්වාගෙන යාමට හැකි වී තිබෙන බවයි ඇය කියා සිටියේ. ලෝක වෙළෙඳපොළේ තෙල් මිල අඩු වීමේ සැබෑ වාසිය මෙරටට ලැබුණු සැනින්, එම සහනය ප්රායෝගිකව ලබා දිය හැකි පළමු අවස්ථාවේදීම අනිවාර්යයෙන්ම ජනතාවට ලබා දෙන බව ද අගමැතිනි හරිනි අමරසූරිය මහත්මිය වැඩිදුරටත් සහතික කර සිටියා.
