සිය ඕස්ට්රේලියානු සංචාරයේ දෙවන දිනය වන අද (15) මෙල්බර්න් නුවර පාපන්දු සමාජයක පැවැති වැඩසටහනකට එක්වෙමින් හැරී කුමරු පියකු ලෙස මුල් කාලයේදී තමන් අත්විඳි මානසික පීඩනය සහ අසීරුතා පිළිබඳව අදහස් දක්වා තිබේ සිය දරුවන් සමඟ පවතින බැඳීම ශක්තිමත් කර ගැනීමටත් අතීතයේ පැවැති මානසික ගැටලුවලින් මිදීමටත් තමන් ප්රතිකාර (Therapy) ලබාගත් ආකාරය ඔහු මෙහිදී විස්තර කළේය තම දරුවන් වෙනුවෙන් වඩාත් යහපත් පුද්ගලයකු වීමට අතීතයේ පීඩාකාරී මතකයන්ගෙන් මිදීම අත්යවශ්ය වූ බව ඔහු වැඩිදුරටත් පැවසීය
සිව් දින සංචාරයක් සඳහා ඕස්ට්රේලියාවට පැමිණි හැරී සහ මේගන් යුවළ මෙල්බර්න් නුවර ළමා රෝහලකදී දරුවන් සහ දෙමාපියන් හමු වූ අතර ඔවුන්ට එහිදී උණුසුම් පිළිගැනීමක් හිමි විය කෙසේ වෙතත් මෙම සංචාරය පිළිබඳව ඕස්ට්රේලියානුවන් අතර මිශ්ර ප්රතිචාර පවතී ඇතැම් පිරිස් ඔවුන්ගේ පැමිණීම අගය කරන අතර තවත් පිරිසක් මෙම සංචාරයේ අරමුණ සහ ඒ සඳහා වැය වන මහජන මුදල් පිළිබඳව ප්රශ්න කරති මෙම සංචාරය අතරතුර මේගන් මාර්කල් විසින් සිඩ්නි නුවරදී විශේෂ යෝගා සහ සුවතා වැඩසටහනක් ද මෙහෙයවීමට නියමිතව තිබේ
