බන්ධනාගාර තුළ රැඳවියන්ගේ සංඛ්යාව අධික ලෙස වැඩිවීමට රජයේ රස පරීක්ෂක වාර්තා ප්රමාද වීම ප්රධාන හේතුවක් වී ඇති බවත්, මේ නිසා රැඳවියන්ට ඇප ලබාගැනීමට දැඩි අසීරුතාවකට මුහුණපාන්නට සිදුව ඇති බවත් අන්තර් මහද්වීප මානව හිමිකම් කොමිසමේ විධායක අධ්යක්ෂ වෛද්ය සංගීත් ජයසේකර මහතා පැවසීය.
මේ වන විට බන්ධනාගාර තුළ විරෝධතා දක්වන සමහර පිරිස් දැඩි මානසික පීඩාවකින් පසුවන බව අප තේරුම් ගත යුතු බව පෙන්වා දුන් ඒ මහතා, මත්ද්රව්ය නඩුවලදී ග්රෑම් 25 හෝ 50 සීමාව දක්වා පහළ මහෙස්ත්රාත් අධිකරණ මඟින් ඇප ලබාදීමට හැකිවන පරිදි නීතිමය සංශෝධන කඩිනමින් ගෙන ආ යුතු බවටද අවධාරණය කළේය.
