ශ්රී ලංකාවට වාහන ආනයනය කිරීමේ ක්රියාවලිය ඉදිරියේදී රටේ සැබෑ අවශ්යතාවය මත පමණක් සිදුකිරීමට හැකිවන අයුරින් ශක්තිමත් ජාතික ප්රතිපත්තියක් සම්පාදනය කළ යුතු බව කොළඹ විශ්වවිද්යාලයේ ආර්ථික විද්යා අධ්යයන අංශයේ මහාචාර්ය ප්රියංග දුනුසිංහ මහතා පවසයි. රටේ පවතින වත්මන් ආර්ථික තත්ත්වය හමුවේ අවශ්යතාවයෙන් තොරව නිදහසේ වාහන ආනයනය කිරීමට ඉඩදීම තුළින් මෙරට සතු සීමිත විදේශ විනිමය (Foreign Exchange) අනවශ්ය ලෙස රටින් පිටතට ගලා යාමක් සිදුවන බව මහාචාර්යවරයා පෙන්වා දෙයි.
අද (18) පස්වරුවේ මාධ්ය වෙත විශේෂ අදහස් දැක්වීමක් සිදුකරමින් මහාචාර්ය ප්රියංග දුනුසිංහ මහතා මෙසේ ද සඳහන් කළේය:
“අතීතයේදී වාහන ආනයනය කිරීමට අවසර දුන්නාම වාහන ආනයනකරුවන් විසින් අතිවිශාල වශයෙන් වාහන ලංකාවට ගෙනල්ලා සේල්වල (Vehicle Sales) ගොඩගසා ගත්තා. අද වෙලා තියෙන්නේ මේ ටයර් හතරේ වාහන සේල්වල අතිවිශාල විදිහට පාක් කරලා තියෙනවා. දැන් පනවා තිබෙන අධිභාරයත් (Surcharge) එක්ක මේ ආනයනකරුවන්ට ඉතාම හොඳ අවස්ථාවක් ලැබිලා තියෙනවා අධික මිල ගණන් යටතේ වාහන විකුණලා ඉතා ඉහළ ලාභයක් උපයා ගන්න.”
“රටකට වාහන ආනයනය කිරීමේ හැකියාව තිබිය යුතුයි, හැබැයි ඒක සිද්ධ වෙන්න ඕනේ රටේ සැබෑ අවශ්යතාව අනුව විතරයි. එවැනි අවශ්යතාවලට ඉඩ ලබාදෙනවා මිසක, අපේ රට බොහොම අමාරුවෙන් හොයාගන්න විදේශ විනිමය ටික භාවිතා කරලා වාහන ගෙනල්ලා සේල්වල තියාගෙන, පාරිභෝගිකයා සූරාකමින් අධික ලාභයක් ලබන්න ආනයනකරුවන්ට මින් ඉදිරියට කිසිසේත්ම ඉඩ ලබා නොදිය යුතුයි.”
