2026 වසරේ දෙවන සහ තෙවන කාර්තුවලට අදාළ විදුලි ගාස්තු සංශෝධනය පිළිබඳ අවසන් තීරණය අද (09) ශ්රී ලංකා මහජන උපයෝගීතා කොමිෂන් සභාව (PUCSL) විසින් නිවේදනය කිරීමට නියමිතය. පවතින බලශක්ති පිරිවැය සහ මෙහෙයුම් වියදම් සැලකිල්ලට ගනිමින් මෙම ගාස්තු සංශෝධනය සිදු කරන බව වාර්තා වේ.
මීට පෙර පැවැත්වූ මහජන අදහස් විමසීම් සහ පාර්ශවකරුවන්ගේ යෝජනා සැලකිල්ලට ගනිමින් මෙම තීරණයට එළැඹ ඇති අතර, නව ගාස්තු ව්යුහය අද පස්වරුවේදී මහජනතාවට විවෘත වනු ඇත. විශේෂයෙන්ම මැදපෙරදිග පවතින යුදමය වාතාවරණය හමුවේ ගෝලීය බලශක්ති මිල ගණන් ඉහළ යාම මෙම සංශෝධනය කෙරෙහි බලපා ඇති බව ආර්ථික විශ්ලේෂකයෝ පෙන්වා දෙති.
මෙම ගාස්තු සංශෝධනය මඟින් ගෘහස්ථ, කර්මාන්ත සහ වෙළඳ යන අංශ සඳහා බලපාන ආකාරය පිළිබඳව කොමිසම විසින් සවිස්තරාත්මක වාර්තාවක් නිකුත් කරනු ඇත. පාරිභෝගිකයන්ට සහනදායී ක්රමවේදයක් පවත්වා ගැනීම සහ විදුලිබල මණ්ඩලයේ මූල්ය ස්ථාවරත්වය ආරක්ෂා කිරීම අතර සමබරතාවයක් ඇති කිරීම මෙහි අරමුණ බව සඳහන් වේ.
