ලෝකය මේ වන විට භයානක තත්ත්වයක පවතින බවත්, යුක්‍රේන ගැටුම සම්බන්ධයෙන් තත්ත්වය තවදුරටත් උග්‍ර නොකරන ලෙස බටහිර රටවලින් ඉල්ලා සිටින බවත් රුසියානු ජනාධිපති Vladimir Putin පවසා තිබේ. ඔහු මේ බව ප්‍රකාශ කළේ මොස්කව්හි පැවති Valdai Forum හමුවේදීය.
Kaliningrad ප්‍රදේශයට හෝ රුසියානු භූමියකට සෘජු ප්‍රහාරයක් එල්ල වුවහොත් රුසියාව සතු සියලුම ආයුධ භාවිත කිරීමේ හැකියාව පිළිබඳව තීරණය කිරීමට සිදුවන බව Putin සඳහන් කර ඇත. එම ප්‍රකාශයට න්‍යෂ්ටික ආයුධද ඇතුළත් බව Reuters වාර්තා කරයි.
මේ අතර, Kaliningrad ප්‍රදේශය සම්බන්ධයෙන් රුසියාව NATO වෙත න්‍යෂ්ටික ආයුධ භාවිතය පිළිබඳ අනතුරු ඇඟවීමක් යවා ඇති බව Reuters වාර්තා කර තිබේ. NATO මහලේකම් Mark Rutte එයට ප්‍රතිචාර දක්වමින් NATO ආරක්ෂක සන්ධානයක් බවත්, න්‍යෂ්ටික තර්ජන නතර කළ යුතු බවත් පවසා ඇත.
