පුත්තලම දිස්ත්රික්කයේ සේවය කරන පොලිස් නිලධාරීන් මුහුණ දෙන විවිධ වෘත්තීය මෙන්ම පෞද්ගලික ගැටලු සහ ප්රදේශයේ වත්මන් ආරක්ෂක තත්ත්වය පිළිබඳව සොයා බැලීමේ විශේෂ සාකච්ඡාවක් ඊයේ (15) හලාවතදී පැවැත්විණි. මෙම සාකච්ඡාව මෙහෙයවනු ලැබුවේ මහජන ආරක්ෂක හා පාර්ලිමේන්තු කටයුතු අමාත්ය ආනන්ද විජේපාල මහතාගේ ප්රධානත්වයෙනි.
පුත්තලම දිස්ත්රික්කයට අයත් හලාවත සහ පුත්තලම යන පොලිස් කොට්ඨාස ද්විත්වයේම සේවය කරන නිලධාරීන්ගේ සේවා ස්ථානවල පවතින දුෂ්කරතා හඳුනාගෙන ඒවාට කඩිනමින් විසඳුම් ලබා දීම මෙම සාකච්ඡාවේ ප්රධාන අරමුණක් විය. මෙහිදී ප්රදේශයේ නීතිය ක්රියාත්මක කිරීමේ ප්රගතිය මෙන්ම, පොලිස් නිලධාරීන්ගේ සේවය සම්බන්ධයෙන් මහජනතාවගෙන් ලැබී ඇති පැමිණිලි සහ ඒවා නිරාකරණය කරගන්නා ආකාරය පිළිබඳව ද දීර්ඝ වශයෙන් අවධානය යොමු කෙරිණි.
මීට අමතරව, වයඹ පළාත තුළ සේවය කරන පොලිස් නිලධාරීන්ගේ යටිතල පහසුකම් සංවර්ධනය කිරීම වෙනුවෙන් මේ වන විට ගෙන ඇති පියවර සහ ඒවා භූමිය තුළ ක්රියාත්මක වන ආකාරය පිළිබඳව ද අමාත්ය ආනන්ද විජේපාල මහතා මෙහිදී නිලධාරීන්ගෙන් සෘජුවම කරුණු විමසා සිටියේය.
