අධිකරණ විනිසුරුවරුන්ගේ විශ්රාම වයස දීර්ඝ කිරීම සම්බන්ධයෙන් රජය ඉදිරිපත් කර ඇති යෝජනාව පිළිබඳව ජාතික ජන බලවේගයේ ප්රමුඛ පෙළේ නීතිඥයකු වන ජනාධිපති නීතිඥ උපුල් කුමාරප්පෙරුම මහතා පවත්වාගෙන යන නිහඬතාව සම්බන්ධයෙන් මේ වන විට දේශපාලන සහ නීති ක්ෂේත්රය තුළ දැඩි කතාබහක් නිර්මාණය වී තිබේ.
සමාජ මාධ්ය ජාලා ඔස්සේ පළවන විවිධ වාර්තාවලට අනුව, මෙම වයස් සීමාව සංශෝධනය කිරීමේ යෝජනාව සම්බන්ධයෙන් කුමාරප්පෙරුම මහතා සිය එකඟතාවක් නොමැති බව සිය සමීපතම මිතුරන් සහ වෘත්තීය සගයන් සමඟ පවසා ඇතැයි කියැවේ. පසුගිය ජනාධිපතිවරණ සමයේදී ‘ජාතික ජන බලවේගයේ නීතිඥයෝ’ සංවිධානය තුළ ප්රමුඛ කාර්යභාරයක් ඉටු කළ ඔහු, මෙවැනි තීරණාත්මක නීතිමය සංශෝධනයක් සම්බන්ධයෙන් මෙතෙක් කිසිදු ප්රකාශයක් සිදු කිරීමෙන් වැළකී සිටීම විශේෂත්වයකි.
පසුගිය මහ මැතිවරණයේදී මාතර දිස්ත්රික්කයෙන් ජාතික ජන බලවේගය නියෝජනය කරමින් තරඟ වැදුණු උපුල් කුමාරප්පෙරුම මහතාට පාර්ලිමේන්තුවට තේරී පත්වීම සඳහා ප්රමාණවත් මනාප සංඛ්යාවක් ලබා ගැනීමට නොහැකි වූ අතර, ඔහු මේ වන විට ශ්රී ලංකා ක්රිකට් ආයතනයේ අතුරු කමිටු සාමාජිකයෙකු ලෙස කටයුතු කරමින් සිටියි. රජයේ මෙම සංශෝධනය සම්බන්ධයෙන් විවිධ මත ගැටුම් පවතින පසුබිමක, පක්ෂයේ ප්රධානතම නීතිඥවරයකු මෙලෙස නිහඬ පිළිවෙතක් අනුගමනය කිරීම බොහෝ දෙනාගේ අවධානයට ලක්ව ඇත.
