හිටපු අමාත්ය රාජිත සේනාරත්න මහතා පවසන්නේ ශ්රී ලංකාවේ ආර්ථිකය මේ වන විට ඉතා අවදානම් සහගත තත්ත්වයක පවතින බවත්, ලබන අගෝස්තු සහ සැප්තැම්බර් මාස වන විට රට තුළ දැවැන්ත ආහාර අර්බුදයක් නිර්මාණය වීමේ අවදානමක් පවතින බවත්ය.
මාධ්ය වෙත අදහස් දක්වමින් හිටපු අමාත්යවරයා වැඩිදුරටත් සඳහන් කළේ, පසුගිය කාලසීමාව තුළ ඩොලරයේ අගය පාලනය කිරීමට රජය ගත් ක්රියාමාර්ග සහ ආර්ථික කළමනාකරණය ප්රමාණවත් නොවීම මෙම අර්බුදයට ප්රධාන හේතුව බවයි. පවතින ආර්ථික අර්බුදය හමුවේ ඉදිරියේදී ඉන්ධන මිල ද ඉහළ යා හැකි බවට අනතුරු අඟවන සේනාරත්න මහතා, ඉන්ධන ලීටරයක මිල රුපියල් 700ක පමණ ඉහළ මට්ටමකට ළඟා වීමේ අවදානමක් පවතින බවද ප්රකාශ කළේය.
රටේ ආහාර සුරක්ෂිතතාව සහ ඉන්ධන සැපයුම සම්බන්ධයෙන් පැන නැගී ඇති මෙම තත්ත්වය පිළිබඳව රජය කඩිනමින් විධිමත් ආර්ථික වැඩපිළිවෙළක් ක්රියාත්මක කළ යුතු බව ඔහු අවධාරණය කළේය.
