පාර්ලිමේන්තු මන්ත්‍රී වෛද්‍ය රාමනාදන් අර්ච්චුනා මහතාගේ මන්ත්‍රී ධුරය අහෝසි කරන ලෙස ඉල්ලා ගොනු කර ඇති පෙත්සම වැඩිදුර විභාගය සඳහා දෙසැම්බර් 16 වැනිදා කැඳවීමට අභියාචනාධිකරණය නියම කර තිබේ.
සමාජ ක්‍රියාකාරිකයෙකු වන ඔෂල හේරත් මහතා විසින් මෙම පෙත්සම ගොනු කර ඇත.
අදාළ පෙත්සම අද (12) අභියාචනාධිකරණය හමුවේ කැඳවූ අවස්ථාවේදී මෙම දින නියමය ලබාදී ඇති බව වාර්තා වේ.
මන්ත්‍රීවරයා පාර්ලිමේන්තු මැතිවරණයට ඉදිරිපත් වන අවස්ථාවේ රජයේ වෛද්‍ය නිලධාරියෙකු ලෙස සේවය කරමින් සිටි බවට පෙත්සම්කරු කරුණු ඉදිරිපත් කර ඇති අතර, ඒ හේතුවෙන් ඔහුගේ මන්ත්‍රී ධුරය දැරීමේ සුදුසුකම අභියෝගයට ලක් කර තිබේ.
කෙසේ වෙතත්, පෙත්සම සම්බන්ධයෙන් අවසන් තීන්දුවක් ලබාදී නොමැති අතර, නඩුවේ ඉදිරි කටයුතු දෙසැම්බර් 16 වැනිදා සිදු කිරීමට නියමිතය.
