විශ්රාමික ත්රිවිධ හමුදා සාමාජිකයින් ජාතික ආර්ථික වර්ධනය සඳහා ව්යවසායකයින් ලෙස දායක කර ගැනීමේ අරමුණින් ක්රියාත්මක “රණවිරු ව්යවසායක අභිමානය” වැඩසටහනේ ප්රගතිය සමාලෝචනය කිරීම සඳහා විශේෂ සාකච්ඡාවක් පසුගියදා (15) කොළඹදී පැවැත්විණි. ආරක්ෂක රාජ්ය අමාත්ය මේජර් ජෙනරාල් අරුණ ජයසේකර (විශ්රාමික) සහ කර්මාන්ත හා ව්යවසායකත්ව සංවර්ධන රාජ්ය අමාත්ය චතුරංග අබේසිංහ යන මහත්වරුන්ගේ ප්රධානත්වයෙන් මෙම සාකච්ඡාව පැවැත්විණි.
ගාල්ල දිස්ත්රික්කයේ දැනට ක්රියාත්මක “රණවිරු ව්යවසායකත්ව” නියමු ව්යාපෘතියේ ප්රගතිය පිළිබඳව මෙහිදී මූලික අවධානය යොමු වූ අතර, එහි සාර්ථකත්වය මත පදනම්ව මීළඟ අදියර ලෙස කළුතර සහ මාතර දිස්ත්රික්ක දක්වා මෙම ව්යාපෘතිය ව්යාප්ත කිරීමට සැලසුම් කර ඇත. වැඩසටහනේ දිගුකාලීන තිරසාරභාවය සහ ධාරිතා වර්ධනය සඳහා ‘පුහුණුකරුවන් පුහුණු කිරීමේ’ පාඨමාලාවක් ආරම්භ කිරීම පිළිබඳව ද සාකච්ඡා කෙරිණි. එසේම, දිවයින පුරා මෙම ව්යාපෘතිය පුළුල් කිරීමේ අවශ්යතාවය සහ එහි ඉදිරි ක්රියාමාර්ග පිළිබඳව දීර්ඝව අදහස් හුවමාරු විය.
අදාළ අමාත්යාංශ දෙක අතර අවබෝධතා ගිවිසුමක් ඇති කර ගැනීම සහ අරමුදල් සැපයීමේ ක්රමවේදයක් සකස් කිරීම සම්බන්ධයෙන් එකඟතාව පළ විය. ව්යාපෘතිය අධීක්ෂණය සහ සම්බන්ධීකරණය සඳහා ඒකාබද්ධ සම්බන්ධීකරණ ඒකකයක් පිහිටුවීමට ද තීරණය කෙරිණි.
ආරක්ෂක රාජ්ය අමාත්යවරයා සඳහන් කළේ විශ්රාමික ත්රිවිධ හමුදා සාමාජිකයින් සතු නායකත්ව කුසලතා, විනයගරුකභාවය සහ වෘත්තීය අත්දැකීම් ජාතික ව්යවසායකත්ව ක්ෂේත්රයට දායක කර ගැනීම කාලීන අවශ්යතාවයක් බවයි. කර්මාන්ත හා ව්යවසායකත්ව සංවර්ධන රාජ්ය අමාත්යවරයා පැවසුවේ තම අමාත්යාංශය මගින් මෙම වැඩසටහන ශක්තිමත් කිරීම සඳහා අවශ්ය තාක්ෂණික සහ මූල්ය ආධාර ලබා දෙන බවයි. විශ්රාමික සන්නද්ධ හමුදා සාමාජිකයින්ගේ ව්යවසායකත්ව කටයුතු සඳහා අවශ්ය නීතිමය සහ ආයතනික රාමුව සකස් කිරීම පිළිබඳව ද ඔහු වැඩිදුරටත් කරුණු පැහැදිලි කළේය.
මෙම අවස්ථාව සඳහා ආරක්ෂක ලේකම්වරයා, ආරක්ෂක අමාත්යාංශයේ සහ කර්මාන්ත හා ව්යවසායකත්ව සංවර්ධන අමාත්යාංශයේ ජ්යෙෂ්ඨ නිලධාරීන් පිරිසක් ද එක්ව සිටියහ.
